The Definitive Guide to Living in the Capital , Cairo , Egypt

كل أسبوع بنحاول نوفر لكم أفضل الأنشطة اللي بتحصل في القاهرة في الويك إند، واللي هتساعدكم تفصلوا عن روتين الحياة، وبما إن أغلب الناس بدأت تصيف في الساحل الشمالي وخلافه فده ما يمنعش إن الناس اللي لسة في القاهرة تستمتع برضه.

نبدأ بالنهارده يوم الخميس، وفريق فلامنكا هيقدم حفلة موسيقية في رووم آرت سبيس. وسعر التذكرة: 50 جنيه.

كمان مركز الربع الثقافي هيستضيف حفلة موسيقية هنسمع فيها أحلى مقطوعات الجيتار المختلفة. وسعر التذكرة: 80 جنيه.

أما لمحبي الحفلات الصاخبة  ففيه حفل ملاذ باند على مسرح النهر في ساقية عبد المنعم الصاوي، وسعر التذكرة 40 جنيه.

برضه فيه حفل لفؤاد ومنيب على المسرح المكشوف بدار الأوبرا المصرية، وسعر التذكرة 75 جنيه.

وننتقل ليوم الجمعة، رووم آرت سبيس هيكون فيها حفلة لأغاني فيروز بصوت نوران أبو طالب. وسعر التذكرة: 50 جنيه.

أما مركز الربع فيقدم لنا حفلة لكل المواهب المختلفة، علشان تتعرض قدام الجمهور. والحضور للجمهور مجانًا.

كمان فيه حفل أوبريت باسم أوبرا الأرملة  الطروب على المسرح الكبير لدار الأوبرا المصرية، وأسعار التذاكر 35-50-75.

ونختم بيوم السبت، وهتلاقوا في درب 1718 ورشة صناعة الفخار للمبتدئين.

أما رووم فبتدعوكم لحفلة روك مصري هتقدمها فرقة صدى ذات. وسعر التذكرة: 50 جنيه.

برضه في مساحة لاميزون في مدينة نصر بتقدم ورشة لتعليم الرسم بالرصاص. وسعر الاشتراك: 350 جنيه.

لو عاوزين تعرفوا أكثر عن الأحداث اللي بننشرها كل يوم في أجندتنا هنا.

ويك إند سعيد!