دليلك لويك إند سعيد: محمد عدوية في الساقية وحفلات أكتر في كايرو
استبينا اسيا مدني اغاني افرونوبيا الضمة الطنبورة بورسعيد تراث حفلة درب 1718 دعسوقة رووم ساقية الصاوي سامر جورج سكوت خلاص سيناريست صناعة عابدين فخار كايرو جاز محمد اسماعيل محمد عدوية مركز مسرح مصري موسيقى نوبي نوران ابو طالب ورشة
Cairo 360
بدأنا الويك إند بتاعنا، وكله بيرتب لخروجة أو أكتر. تعالوا نقولكم على حفلات الأسبوع ده:
نبدأ من النهارده الخميس، مع الفنان “محمد عدوية” اللي هيحيي حفلة غنائية في الساقية، بمناسبة صدور ألبومه الجديد “سكوت خلاص”. الحفلة هتبدأ الساعة 7:30 مساءً. وسعر التذكرة: 70 جنيه.
مجموعة من أغاني الفلكلور هتقدمها فرقة “الطنبورة البورسعيدية“، على مسرح الضمة في عابدين. الحفلة هتبدأ الساعة 8 مساءً. وسعر التذكرة: 50 جنيه.
رووم آرت سبيس، هيكون فيها سهرة موسيقية مميزة مع فريق “إستبينا“. الفريق بيضم فنانين وفنانات من جنسيات مختلفة. الحفلة هتبدأ الساعة 8:30 مساءً. وسعر التذكرة: 50 جنيه.
نروح ليوم الجمعة، وحفلة لفريق “أفرونوبيا” في ساقية الصاوي. هيقدموا فيها مزيج بين التراث النوبي والمصري، مع الموسيقى الأفريقية. الحفلة هتبدأ الساعة 7:30 مساءً. وسعر التذكرة: 40 جنيه.
“نوران أبو طالب” هتقدم حفل غنائية مع “سامر جورج” في رووم آرت سبيس. الحفلة هتبدأ الساعة 8:30 جنيه. وسعر التذكرة: 75 جنيه.
الناس اللي غاوية سينما وفن، مركز سيما عامل ورشة للسيناريو والحوار، مع السيناريست “محمد إسماعيل“. وهتبدأ الساعة 3 مساءً.
وصلنا للسبت، رووم آرت سبيس هتستضيف حفلة موسيقية لـ “دعسوقة“، واحدة من أهم فرق الأندرجرواند في مصر. الحفلة هتبدأ الساعة 8 مساءً. وسعر التذكرة: 75 جنيه.
أحلى أغاني الفلكلور السوداني هنسمعها من “آسيا مدني” في كايرو جاز كلوب. الحفلة هتبدأ الساعة 10 مساءً.
مركز درب 1718 عامل ورشة لتعليم صناعة الفخار للمبتدئين. الورشة هتكون يوم واحد فقط. وهتبدأ الساعة 11 صباحًا.
وتقدرا تعرفوا حفلات وأحداث أكتر من هنا.
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
