أجمل 10 حدائق في القاهرة لخروجات عيد الأضحى 2025
أفضل حدائق القاهرة أماكن ترفيهية في القاهرة حدائق القاهرة حدائق مجانية خروجات العيد الكبير خروجات العيد في القاهرة خروجات عائلية خروجة في العيد سياحة داخلية في القاهرة عيد الأضحى 2025
Mohamed Talaat
الصورة الرئيسية: Thales Botelho de Sousa
عندنا إجازة عيد، يبقى لازم خروجة، احنا كده المصريين، الإجازة يعني خروجة كلها لعب وضحك وحب، وكل واحد فينا له خروجة على هواه بيرتب لها مع المقربين، ولكن المبدأ بيكون واحد “يالا نخرج”، وعلشان الخروجة تكون متكاملة لازم نجمع فيها المساحات الخضراء والصحبة الحلوة والترتيب الصح، وعلشان تختاروا صح هنقولكم على أفضل حدائق في القاهرة علشان تستمتعوا بخروجة ممتعة خلال عيد الأضحى 2025.
حديقة الأندلس
الكلاسيكيات الأندلسية والتصميم الجميل موجودين في حديقة الأندلس، وهي موجودة بجوار أوبرا القاهرة وكوبري قصر النيل، وتذكرة الدخول سعرها 5 جنيهات..
حديقة الحرية
موجود قصاد حديقة الأندلس وهي من الأماكن المثالية للتمتع والاسترخاء وسط الطبيعة الخلابة وسعر تذكرة الدخول 20 جنيه.
حديقة الأسماك
من أقدم وأرقى الحدائق المتميزة في القاهرة بتصميمها الشبيه بتجاويف الشعب المرجانية، وبتضم مجموعة أسماك مختلفة، وسعر التذكرة 5 جنيهات للفرد.
حديقة قصر عابدين
رغم أنها من الحدائق المستحدثة إلا أنها اكتسبت شهرة كبيرة، وبقت الوجهة الأولى لأهالي وسكان منطقة وسط البلد بسبب موقعها المتميز بشارع الجمهورية أمام قصر عابدين، وسعر التذكرة 5 جنيهات.
حديقة الأزهر
أكبر وأجمل حديقة في القاهرة الكبرى ومصر كلها، والفيو بتاعها على القاهرة التاريخية والفاطمية يعني هتعيشوا تجربة مميزة، وفيها نافورة مميزة ومطاعم وكافيهات، وسعر التذكرة 40 جنيه.
حديقة العبور
التمشية وسط المساحات الخضراء على النيل هي أساس حديقة العبور في الزمالك، ولو عملتوا ده هيكون اختيار ممتاز، وسعر تذكرة الدخول 20 جنيه.
الحديقة اليابانية
بقلب منطقة حلوان موجود تصميات فريدة ومختلفة للحديقة اليابانية، وهي مناسبة جدًا للخروجات العائلية، وسعر تذكرة الدخول 10 جنيهات.
حديقة أم كلثوم
حديقة هادئة وجميلة ومخصصة للخروجات العائلية على ضفاف النيل في قلب المنيل وسعر تذكرة الفرد 10 جنيهات.
حديقة الفنون
مزيج بين الجمال الطبيعي والفن موجود في حديقة الفنون بالمنيل مع إطلالة كاملة على النيل وكل ده بتذكرة سعرها 10 جنيهات.
حديقة الطفل
لو معاكم أطفال، فحديقة الطفل هتكون الاختيار المثالي، لأنها بتضم ألعاب وأنشطة مناسبة لكل الأعمار، وسعر التذكرة 20 جنيه.
وعيد سعيد عليكم يا مصريين، وماتنسوش تختاروا المناسب لكم من الخروجات المختلفة في حدائق القاهرة.
مقترح
تسوق
شوكولاتة مصرية بطابع عالمي: 5 براندات هتخلي بيتك مبهج في عيد الأضحى 2025
Chocolate factory Corona +9
الحياة في كايرو
