The Definitive Guide to Living in the Capital , Cairo , Egypt

الصورة الرئيسية: Miryam León

في أول كل شهر، بتتصدر فاتورة التليفون الأرضي مؤشرات البحث، وده طبيعي، لأن الناس بتحب تطمّن على فواتيرها وتسددها في معادها عشان تتفادى الغرامات أو قطع الخدمة. ومؤخرًا، WE أعلنت إن فاتورة التليفون الأرضي عن شهور “مارس – إبريل – مايو 2025” متاحة للسداد من أول مايو.

إمتى آخر معاد للسداد قبل ما الغرامة تبدأ؟

شركة وي بتدي فترة سماح 20 يوم من بداية مايو، يعني تقدر تدفع لحد يوم 20 من غير ما تدفع غرامات. لو اتأخرت، الخط بيتحول استقبال بس لمدة 7 أيام، وبعدها بيتوقف مؤقتًا بداية من 28 مايو، وكمان الإنترنت المنزلي هيتفصل!

ازاي تستعلم عن فاتورة التليفون الأرضي؟

في طريقتين أسهل من بعض:

الطريقة الأولى: من خلال موقع WE الرسمي

1. ادخل على الرابط ده: (اضغط هنا)

2. اكتب كود المحافظة.

3. دخل رقم التليفون الأرضي.

4. دوس على “استعلام”.

5. هتلاقي الفاتورة طلعت قدامك على الشاشة.

الطريقة التانية: من خلال تطبيق My WE

نزّل التطبيق وسجّل عليه، هتقدر تتابع فواتيرك وتدفعها في ثواني.

طرق سداد فاتورة التليفون الأرضي:

قدّامك أكتر من اختيار: الدفع كاش في أقرب فرع WE، أو عن طريق فوري، أمان، مصاري، أو أي خدمة تحصيل، أو الدفع أونلاين بالفيزا من خلال الموقع الرسمي أو تطبيق InstaPay.

خطوات الدفع الإلكتروني لفاتورة الأرضي:

1. افتح الموقع ده.

2. اعمل استعلام عن الفاتورة.

3. اختار “دفع الفاتورة”.

4. دخل كود المحافظة ورقم التليفون.

5. لما الفاتورة تظهر، دوس على “السداد الإلكتروني”.

6. اختار “ادفع”.

7. دخل بيانات الفيزا وكمل العملية.

نصيحة مهمة:

ما تستناش لآخر لحظة، وخصوصًا لو عندك خدمة إنترنت شغالة على الخط الأرضي، عشان ما تتفاجئش بانقطاع الخدمة أو دفع غرامة من غير لازمة.