لحمايتك على الطريق… مزايا أمان جديدة من “أوبر”
أوبر تطبيقات مواصلات طرق أمان أكتر مزايا أمان مشوارك في السريع
Cairo 360
في الفترة الأخيرة بدأت تنتشر على وسائل التواصل الاجتماعي قصص سلبية عن خدمة أوبر وكريم، وفي الغالب القصص دي بتتعلق بالأمان والخصوصية، يمكن علشان كده أعلنت شركة أوبر مؤخراً عن مزايا جديدة متعلقة بالأمان والسلامة لكل مستخدمي الخدمة في العالم والشرق الأوسط، وبدأ العمل بأغلب هذه المزايا في مصر، وهي بتشمل أدوات جديدة لمزيد من حماية سلامة الركاب والسائقين.
ومن أبرز الأدوات الجديدة، إخفاء رقم الهاتف للراكب والسائق، مع استمرار إمكانية الاتصال بينهم عن طريق التطبيق.
وبتشمل الأدوات الجديدة كمان إمكانية مشاركة تفاصيل الرحلة مع حوالي خمس جهات اتصال.
وأعلنت أوبر رسمياً أن مشاركة تفاصيل الرحلة هتتم بشكل تلقائي مع الأشخاص اللي بيحددهم الراكب، كمان هيمكن تحديد الرحلات اللي هتتم مشاركتها سواء كانت كلها، أو مثلًا اللي بتتم بس خلال وقت معين من اليوم، زي بالليل بس على سبيل المثال.
ده غير خاصية جديدة أضافتها شركة أوبر في التطبيق بتحدد أقصى ساعات عمل للسائق في اليوم 12 ساعة. والخاصية دي بتقفل التطبيق لو عدى 12 ساعة وما يفتحش تاني لاستقبال طلبات العملاء، إلا بعد 6 ساعات.
ومن ضمن الميزات الجديدة اللي تم تطبيقها في بعض الدول والمفروض توصل مصر قريب، أنه يبقى فيه حد أقصى للسرعة، علشان يقللوا معدل الحوادث، فيقوم التطبيق بتنبيه السائق لو عدى السرعة المحددة.
أوبر أطلقت كمان مجموعة من المزايا اللي بتتعلق بالسائق، واللي بتساهم كمان في حماية الركاب، ومن بينها التحقق من هوية السائق، وده من خلال إلزامه ما بين وقت وآخر بالتقاط “صورة سيلفي” لنفسه للتحقق من هويته، ولضمان عدم استخدام التطبيق بين أكثر من سائق، ولحماية حسابه من أي اختراق.
مقترح
معالم وسياحة
المتحف القبطي بالقاهرة.. هنا أكبر مجموعة آثار قبطية في العالم
المتحف القبطي المتحف القبطي المصري +3
الحياة في كايرو
