The Definitive Guide to Living in the Capital , Cairo , Egypt

في الأيام الأخيرة بدأ كتير من المصريين في طرح سؤال معين، وهو: هل لقاح كورونا ممكن يبطل الصيام؟ وعلشان نعرف هل لقاح فيروس كورونا المستجد بيبطل الصيام ولا لأ، مافيش أفضل من الأزهر علشان يجاوبنا على السؤال ده، تعالوا نعرف الإجابة.

“هل تطعيم كورونا مُفطر في نهار رمضان”؟ بيجاوب مركز الأزهر العالمي للفتوى الإلكترونية على السؤال ده وبيقول إن التطعيم ضد فيروس كورونا المستجد كوفيد 19، “لا يفطر الصائم” وده لإن اللقاح المستخدم في التطعيم بيدخل البدن عن طريق الجلد بالحقن، والجلد مش بيوصل للجوف، وبيضيف الأزهر إنه ممكن كمان تأخير اللقاح لحد بعد الإفطار.

وتابع المركز أن جميع لقاحات كورونا اللي أنتجتها الشركات العالمية لمواجهة عدوى كوفيد 19، بتشتغل عن طريق حقن جزء من شفرة الفيروس الجينية في الجسم (الذراع)؛ بهدف تحفيز جهاز المناعة وإعداده للتعامل مع العدوى، واللقاحات والتطعيمات بالشكل ده مش أكل ولا شرب ولا هي في معناهما، والتعاطي بيكون “عن طريق الحَقن بالإبرة في الوريد أو العضل أو في أي موضعٍ مِن مواضعِ ظاهرِ البَدَنِ يعني مش المنفذ الطبيعي المعتاد كالفم والأنف المفتوحان ظاهرًا؛ ومن ثمَّ؛ لا يفطر الصائم بها”.

لقاح كورونا لا يفطر في رمضان

وأوضح مركز الأزهر العالمي؛ أنَّ شَرْطَ نَقْضِ الصوم يكون من خلال وصول التطعيم الجوف مِن منفذٍ طَبَيعي مفتوحٍ ظاهر حِسًّا، لا من منفذ غير معتاد كالمسام والأوردة التي ليست مَنْفَذًا مُنفَتِحًا، لا عُرفًا ولا عادةً.

وبناء عليه استقر مركز الأزهر على أن تعاطي لقاح كورونا في نهار رمضان عن طريق الحَقن بالإبرة في الذراع (العضد) مابيفطرش الصائم؛ لأنه دخل بدنه عن طريق جلده، ولأن الجلد مش بيوصل للجوف.