The Definitive Guide to Living in the Capital , Cairo , Egypt

الصورة الرئيسية: Jan Jirásek

خلاص مافيش داعي للزحمة والطوابير! السكة الحديد أعلنت عن خدمة جديدة هتسهل عليك حجز تذاكر القطارات من غير ما تتحرك من مكانك. دلوقتي، تقدر تستفسر وتحجز تذكرتك بكل سهولة عن طريق مركز خدمة العملاء الصوتي، اللي شغال 24 ساعة، وطريقة الدفع كمان بقت أسهل من أي وقت فات.

إزاي تحجز تذكرتك بالتليفون؟
اتصل بمركز خدمة العملاء على 1661 من الموبايل أو 09000661 من الخط الأرضي.
قول للموظف القطار اللي عايز تحجز عليه، وهو هيقولك كل التفاصيل.
هيوصلك رقم دفع على موبايلك، وتقدر تسدد من خلال فوري أو تطبيق سداد فوري، وقريب هيكون في طرق دفع تانية.
بعد الدفع، هيوصلك SMS فيها رابط لتحميل التذكرة على موبايلك.
يوم السفر، تقدر تدخل المحطة وتعدي من البوابات الإلكترونية بالتذكرة اللي على موبايلك، وتوريها لمفتش القطار عند الطلب.

الخدمة بتوفر لك:
الاستعلام عن مواعيد القطارات على كل الخطوط.
معرفة طرق وقنوات حجز التذاكر المختلفة.
تسجيل أي شكاوى، عشان يتم حلها بسرعة.
حجز تذاكر القطارات الفاخرة والمكيفة بسهولة.

تكلفة المكالمة: 1.5 جنيه للدقيقة.
الخدمة متاحة 24 ساعة، كل أيام الأسبوع.