وحدات بديلة للإيجار أو التمليك من الإسكان.. اعرف موعد التقديم للمستأجرين بقانون الإيجار القديم
إيجار وتمليك الإيجار القديم التمويل العقاري المستأجرين الملاك صندوق الإسكان الاجتماعي عقارات مصر قانون الإيجارات القديمة وحدات بديلة وزارة الإسكان
Cairo 360
وزارة الإسكان بتفتح صفحة جديدة في ملف الإيجارات القديمة، وبتدي فرصة للمستأجرين إنهم يختاروا وحدات بديلة سواء إيجار مدعوم، إيجار تمليكي، أو تمليك عن طريق التمويل العقاري. القرار ده هيبدأ تطبيقه من 1 أكتوبر الجاي، والتقديم هيكون لمدة 3 شهور، إما أونلاين على المنصة الجديدة لصندوق الإسكان الاجتماعي، أو من خلال مكاتب البريد في كل المحافظات.
الخطوة دي جاية تنفيذًا لقانون إعادة تنظيم العلاقة بين المالك والمستأجر اللي صدق عليه الرئيس عبدالفتاح السيسي الأسبوع اللي فات، بعد موافقة البرلمان.
والهدف هو معالجة الملف ده بشكل عملي قبل انتهاء المهلة القانونية اللي مدتها 6 سنين.
وزير الإسكان شريف الشربيني قال إن الدولة بتحاول توازن بين حقوق الملاك والمستأجرين، وتحافظ على استقرار الأسر، مع إعطاء أولوية للأسر اللي ساكنة في وحدات متهالكة أو آيلة للسقوط، وكمان ذوي الدخل المحدود.
التقديم متاح للمستأجر الأصلي أو أي حد امتد ليه العقد قانونيًا، سواء في الوحدات السكنية أو غير السكنية. وكل متقدم هيختار النطاق الجغرافي اللي يناسبه، والنظام اللي حابب يحصل بيه على الوحدة.
الوزارة أكدت إن استقبال الطلبات إلكترونيًا أو عبر البريد هدفه التسهيل على المواطنين وتجنب الزحام، وإن الأولوية هتكون دايمًا للحالات الأكثر احتياجًا.
القانون الجديد بيمثل فرصة تاريخية لإنهاء التشوهات اللي حصلت في سوق الإيجارات لعقود طويلة، ويفتح الباب لمرحلة جديدة في تنظيم السوق العقاري في مصر.
مقترح
الحياة في كايرو
عيش مغامرة فوق جبال القاهرة… استكشف الـ High Ropes في دير سمعان بالمقطم
Zip Line المقطم ألعاب High Ropes +6
صحة ولياقة
دليل النجاة من حر القاهرة… نصائح مهمة للتعامل مع الموجة الحارة
أجواء القاهرة الحارة التغير المناخي +6
أفلام
