The Definitive Guide to Living in the Capital , Cairo , Egypt

عسل النحل الطبيعي مش مجرد حاجة حلوة.. ده طاقة متجددة ومكون غذائي مهم للناس اللي بتحب تعيش بشكل صحي. ومع انتهاء مهرجان عسل النحل في القاهرة خلال شهر نوفمبر، كانت فرصة ممتازة إننا في كايرو360 ننزل ونجرب بنفسنا ونختار لكم أفضل أماكن بتبيع عسل نحل طبيعي ومضمون فعلًا.

جمعنالكم 5 أماكن ثقة.. مصادر بتقدم عسل نقي، بأنواعه المختلفة، وبجودة تخليك واثق في كل نقطة بتنزل على معلقتك. وده ترشيحنا الشخصي بعد تجربة حقيقية.

محمد محرز سلام

مناحل محمد محرز سلام موجودين في الصعيد واحنا عن تجربة رشحناهم في موضوع سابق لأنهم ثقة وعندهم عسل نحل موسمي بدون أي اضافات وهو من الأماكن الموثوقة واللي بتصدر بره مصر، ومن الأنواع المتاحة عندهم “سدر جبلي – موالح – برسيم – شمر – مكسرات – سدر” بخلاف خلطات الطاقة الطبية والصحية، وكل نوع من أنواع العسل له وقت محدد لانتاجه وفوائده وخصائصه المختلفة، وهو من أهم الأماكن اللي عندهم عسل نحل طبيعي ومضمون.

تقدروا تعرفوا أكتر عنهم من خلال صفحة الفيسبوك من هنا.

ماريا

عسل ماريا مش معتمد على الانتاج المحلي وبس، ولكنهم كمان بيستوردوا أنواع عسل مميزة ومختلفة ومش موجودة كتير في مصر ورغم أسعارهم العالية إلا أن الجودة تستحق، وعندهم أنواع عسل مثل “زعتر جبلي – ينسون أوريجانو – مورينجا مرمرية – كهوف جبلية – قهوة – روسي – مانوكا استرالي”، ويبدأ سعر البيع لـ1/4 كيلو من 195 جنيه وبيوصل لـ2000 جنيه.

تقدروا تعرفوا أكتر عنهم من خلال صفحة الفيسبوك من هنا.

كنوز

من الأماكن اللي لهم اسم ولهم شهرة كويسة في انتاج العسل ولهم فروع مختلفة وعندهم أنواع مميزة ي السدر من مختلف الدول والعسل الحضرمي والسدر المر الحنون والنباتات البرية والشمع.

تقدروا تعرفوا أكتر عنهم من خلال صفحة الفيسبوك من هنا.

العسل اليمني

كنز من اليمن أشهر دولة لانتاج العسل الطبيعي المتميز، وعندهم أنواع العسل اليمني المتميزة “حضرمي – عصيمي – السمر – الصال الحار – المراعي – صورب الأبيض”، وبتتوافر الأنواع كل حاجة في الموسم بتاعها.

تقدروا تعرفوا أكتر عنهم من خلال صفحة الفيسبوك من هنا.

Health & beauty

رغم أنهم مش متخصصين عسل فقط وعندهم منتجات صحية كتير إلا أن عندهم عسل “النباتات الطبية – الشمر – حبة البركة – السدر – نحل صائم – الكراوية – البرسيم – الموالح” وغيرهم من الأنواع الصحية وعندهم منتجات صحية للعلاج.

تقدروا تعرفوا أكتر عنهم من خلال صفحة الفيسبوك من هنا.