أحلى عصائر رمضانية في القاهرة.. 5 أماكن بأسعار مناسبة لازم تجربهم!
أبو ليلة أفضل عصاير في القاهرة أفضل مشروبات رمضان أماكن بيع العصائر القبيصي فريش سندباد سيتي درينك عصاير رمضان عصير فريش فرغلي مشروبات رمضانية
Cairo 360
رنا شرف
الصورة الرئيسية: Allen Rad
رمضان شهر الخير والكرم، والسفرة الرمضانية مش بتكمل من غير العصائر المنعشة اللي بتعوض العطش بعد يوم طويل من الصيام. فيه ناس بتحب العصائر التقليدية زي الخروب، التمر هندي، والسوبيا، وفيه اللي بيميل للعصائر الفريش زي المانجو، الفراولة، والجوافة. علشان كده، جمعنالك 5 أماكن مميزة في القاهرة تقدر تشتري منها عصائر رمضان بأعلى جودة وطعم يفتح النفس!
القبيصي فريش – ملك المانجا والفراولة
القبيصي اسم معروف في عالم العصائر، وعندهم كل حاجة من أول نص لتر لحد جالونات تكفي العيلة كلها. وكمان عندهم حاجات تانية زي سلطة الفواكه والأرز بلبن!
صفحتهم على فيسبوك
سيتي درينك – مشروبات رمضانية وصحية
هنا هتلاقي كل أنواع العصائر الرمضانية التقليدية، بجانب مشروبات صحية زي الكرفس، البنجر، والقصب. ولو عاوز حاجة تقوي المناعة، جرب عصير البرتقال مع الجنزبيل والليمون والعسل!
صفحتهم على فيسبوك
فرغلي – ملك العصاير المفتكسة
فرغلي من أشهر محلات العصائر في مصر، وسمعته وصلت للخليج! عندهم مشروبات غريبة وحلوة زي عصير اللب، الدوم، وكمان العصاير الفريش اللي مش هتلاقيها بسهولة في أي حتة تانية.
صفحتهم على فيسبوك
أبو ليلة – تجربة مختلفة مع الفخفخينا
أبو ليلة واحد من المحلات المشهورة في عالم العصائر، عنده كل حاجة من العصائر الرمضانية التقليدية، لحد الفخفخينا سواء السادة أو بالآيس كريم!
صفحتهم على فيسبوك
سندباد – براند مشهور وعصاير فريش
لو في وسط البلد وعاوز عصير منعش، سندباد هو المكان المثالي! عندهم تشكيلة متنوعة من العصائر الفريش، وكمان مكسرات حلوة وطازة.
صفحتهم على فيسبوك
لو جربت أي مكان من اللي فوق، قولنا رأيك في التعليقات، ولو عندك ترشيح لمكان تاني، شاركنا بيه علشان الكل يستفيد!
مقترح
معالم وسياحة
المسار السريع بمطار القاهرة.. وداعًا للانتظار وأهلًا بالسفر المريح! (اعرف تفاصيل الخدمة)
Fast Track العائلات المسافرة +12
الحياة في كايرو
