The Definitive Guide to Living in the Capital , Cairo , Egypt

الصورة الرئيسية: Sean Thoman

كل سنة مع اقتراب عيد الأضحى، بيزيد الإقبال على الخرفان اللي ناس كتير بتختارها للأضحية، وده مش بس علشان لحمتها طعمها حلو، لكن كمان علشان سعرها المناسب، وسهولة توزيعها وتجهيزها، خاصة إن مش دايمًا بتتباع بالكيلو في محلات الجزارة.

وبما إن عيد الأضحى 2025 قرب، حبينا نسهّل عليك المهمة، ونقولك على 5 أنواع خرفان مناسبة جدًا للأضحية، وكل نوع ليه مميزات، شكل، سعر، وطريقة تربية.

الرحماني

من السلالات المحلية المشهورة في مصر، لونه بني غامق، وأذنه قصيرة، وأنفه مقوّسة، ووزنه ممكن يوصل لـ110 كيلو للذكر و85 للأنثى. هتلاقيه أكتر في المناطق الريفية، وسعر الكيلو حوالي 250 جنيه.

البرقاوي (البرقي)

واحد من أجود الأنواع، أصله من ليبيا، وبيعيش في البيئة الصحراوية. شكله مميز برأس صغيرة وقرون عريضة، ووزنه بيبدأ من 50 كيلو. الكيلو منه بيكلفك حوالي 300 جنيه.

المارينو

الخروف ده أوروبي الأصل (أسباني)، وبيتميز بصوفه الناعم جدًا. فيه منه أنواع ألماني وجنوب أفريقي وفرنسي، وبيتأقلم مع أي بيئة، ومنتشر في الوجه البحري. وزنه بيبدأ من 50 كيلو، وسعر الكيلو حوالي 150 جنيه.

الأوسيمي

سلالة مصرية معروفة، رأسه متوسطة الحجم ولونه أبيض، والرأس غالبًا بتكون بني أو أسود. من الأنواع اللي لحمتها جودتها عالية، وسعر الكيلو فيها يوصل لـ255 جنيه.

السفوليك

ده نوع مستورد ومميز جدًا، صوفه قليل لكن لحمه ممتاز. معروف بأرجله الطويلة السوداء ورأسه الطويلة. بيتحمل الظروف المختلفة، وبيتربى في مزارع متخصصة. سعر الكيلو حوالي 260 جنيه.

وأخيرًا.. خد بالك:
الأسعار بتختلف حسب المكان والتربية، لكن المهم تعرف النوع اللي يناسب ميزانيتك واحتياجاتك. وكل سنة وأنتم طيبين وبكل خير يا أهل القاهرة!