The Definitive Guide to Living in the Capital , Cairo , Egypt

مشكلة هدر الأكل واحدة من التحديات اللي بتواجه المطاعم بشكل يومي، خصوصًا في الأيام اللي مش بيكون فيها زحمة. ومن هنا ظهرت فكرة مبتكرة قدرت تقدم حل ذكي: تطبيق كسبانة – Kasbanah، اللي بيوفرلك وجبات جاهزة من مطاعم كتير بخصم ممكن يوصل لـ50% من تمنها، من خلال “الشنطة السرية”!

الشنطة السرية هي وجبة أو مجموعة منتجات جاهزة من مطعم معين، قيمتها دايمًا أعلى من السعر اللي بتدفعه، وكل ده بهدف تقليل الهدر وتقديم أكل بنفس الجودة والطعم لكن بتكلفة أقل.

إزاي بيشتغل التطبيق؟ الموضوع بسيط:

1. حمّل التطبيق من App Store أو Google Play.

2. سجّل حسابك وضيف وسيلة الدفع (كروت بنكية أو محفظة موبايل فقط – الدفع كاش مش متاح حاليًا).

3. التطبيق بيعرضلك المطاعم القريبة منك اللي بتقدم شنط سرية.

4. تختار المطعم، تدفع، وتستلم أوردرك من الفرع باستخدام كود سري بيظهر في التطبيق.

الميزة كمان إنك مش دايمًا بتعرف محتوى الشنطة السرية، يعني بيكون في عنصر المفاجأة، لكن المؤكد إن القيمة اللي فيها دايمًا أعلى من اللي دفعتَه، حسب أسعار المنيو بتاع المطعم.

المطاعم كمان بتحط مواعيد معينة لاستلام الشنط، زي مثلًا من 2 الظهر لـ6 المغرب أو من 8 لـ10 مساءً، علشان تقدر ترتّب وقتك على حسب.

الخدمة حاليًا متاحة للاستلام فقط، لكن في خطط لإضافة الدليفري قريبًا، وده هيسهل على ناس كتير خصوصًا اللي مش بيحبوا يخرجوا كتير.

وراء الفكرة دي شاب مصري اسمه يوسف نور، خريج علوم كمبيوتر من إنجلترا سنة 2020، شاف الفكرة هناك وجربها وعجبته، ولما رجع مصر قرر يطبقها هنا. ودلوقتي عدد مستخدمي كسبانة وصل لأكتر من 150 ألف!

لو بتحب الأكل الحلو وبتحب التوفير كمان، يبقى لازم تجرّب كسبانة وتستمتع بوجبات مفاجئة وسعرها مش هيزعلك.

تقدروا تحملوا التطبيق لو أنتم من مستخدمي iOS من هنا.

أو لو كنتم من مستخدمي نظام أندرويد من هنا.