Cairo 360
الصورة الرئيسية: Anastase Maragos on Unsplash
رمضان هو شهر العبادة، وهو كمان الفرصة الذهبية إنك تعيد تنظيم جسمك وصحتك. الصيام المتقطع في رمضان بيخلي جسمك يشتغل بميكانيزمات مختلفة للحرق والطاقة، فلو عرفنا إزاي نوازن بين التمارين والأكل والترطيب، نقدر نحقق فايدة أكبر للجسم ونخلي الشهر فرصة حقيقية للتقدم في اللياقة بدل التراجع.
في السطور الجاية، هنعرفكم على أفضل وقت للجيم في رمضان، وإزاي تستفيد من الصيام المتقطع في تحسين صحتك ونتائجك في الجيم، وكمان نصائح مبنية على دراسات وأبحاث موثوقة.
الصيام المتقطع في رمضان.. فوائد صحية
الصيام المتقطع، اللي هو تقسيم اليوم بين فترات صوم وفترات أكل، ده نمط غذائي عالمي له تأثيرات فسيولوجية مثبتة في دراسات صحية. بيكون تركيزك على إمتى بتاكل بدل تاكل إيه، وده بيأثر على حساسية الجسم للإنسولين، واستخدام الدهون كمصدر للطاقة، وتحسين بعض مؤشرات الصحة العامة.
ما يفوتكش كمان: 10 أماكن تشتري منهم أحلى زبادي لسحور رمضان 2026 في القاهرة
أفضل وقت للجيم في رمضان
بعد الإفطار بساعتين تقريبًا: ده غالباً أفضل وقت للتمرين لأنه جسمك حصل على طاقة وترطيب، وفيه فرصة تعوض اللي انقص منك خلال التمرين.
قبل السحور بقليل: لو ده هيناسب نظامك الشخصي أكثر، وخصوصًا لو هتاكل بعدها مباشرة في السحور.
التمرين قبل الإفطار مباشرة: ممكن يكون له فائدة إن جسمك هيحصل على الأكل بعد التمرين، بس مشكلته إنك بتتمرن وأنت عطشان وصيامك طويل، فممكن الطاقة تكون أقل.
لكن القاعدة الأساسية هنا؛ إنك تختار توقيت يناسبك شخصيًا وتكون بتدي جسمك فرصة للاسترخاء والترطيب والأكل الكافي بعد التمرين.
نصائح مهمة أثناء التمرين في رمضان
ركز في رمضان على التمارين القليلة إلى متوسطة الشدة بدل التمارين عالية الشدة جدًا.
اهتم بترطيب جسمك بين الإفطار والسحور، وخلي المياه جزء من روتينك.
اهتم بتناول وجبتين أو ثلاثة وجبات موزونة بين الإفطار والسحور، تكون بتحتوي على بروتين + كربوهيدرات صحية + دهون مفيدة.
خليك مرن مع نفسك، ولو حسيت بتعب جامد، خفف التمرين أو غير توقيته.
وأخيرًا..
رمضان ممكن يكون فرصة ممتازة إنك تنظم جسمك بدل من إنك توقف التمرين. الصيام المتقطع بشكل علمي مش ضار بالعكس لو اتظبط مع تمرين مناسب وترطيب كويس، ممكن يساعد جسمك يحرق دهون أفضل ويحافظ على صحتك بشكل عام. كل اللي محتاجه إنك تختار الوقت اللي يناسبك وتدي نفسك فرصة تعوض طاقة بعد التمرين.
