The Definitive Guide to Living in the Capital , Cairo , Egypt

فيروس كورونا المستجد (كوفيد 19) موجود حوالينا لحد النهارده، ولازم نلتزم بكل الإجراءات الاحترازية علشان نحمي نفسنا وبلدنا وكل الناس اللي بنحبهم، وعلشان نقوي مناعتنا في رمضان فيه 3 أكلات مهمين لازم يكونوا على سفرتنا كل يوم طوال الشهر الكريم.. تعالوا نعرفهم مع بعض.

1- الزبادي

القاعدة بتقول إن كفاءة الجهاز المناعي بترتبط بدرجة كبيرة بصحة الجهاز الهضمي، وعلشان كده بينصحكم خبراء التغذية بتناول الزبادي، للاستفادة من مادة البروبيوتيك، اللي بتحافظ على التوازن البكتيري في الأمعاء.

وبيتميز الزبادي كمان باحتوائه على نسبة عالية من فيتامين د، اللي بيساعد على تقوية المناعة.

ولتحقيق أكبر قدر من الاستفادة من الزبادي، يفضل تحليته بعسل النحل، لأن السكر الأبيض بيضعف الجهاز المناعي وبيزيد الالتهابات بالجسم.

2- الخضروات

بتلعب الخضروات دور كبير في تقليل فرص الإصابة بالأمراض المعدية، ومنها طبعًا فيروس كورونا، وبيرجع السبب في ده لاحتوائها على نسبة كبيرة من الفيتامينات والمعادن المقوية للمناعة، زي فيتامين سي وفيتامين أ وفيتامين هـ وفيتامين ك والبوتاسيوم والماغنسيوم والزنك والحديد.

3- التمر

بيعتبر التمر من الفواكه المجففة المفيدة لصحة الإنسان، لأنه بيحتوي على مادة السيلينيوم المقوية للجهاز المناعي، ده غير مضادات الأكسدة اللي بتكافح الأجسام الغريبة اللي بتدخل الجسم، بما فيها البكتيريا والفيروسات والفطريات.