اسكيت X.. أول أكاديمية في مصر بتعلم التزلج لأبطالنا من أصحاب الهمم!
أصحاب الهمم أكاديمية سكيت X الترويح الرياضي التزلج في مصر الرول بول تعليم باللعب دمج مجتمعي رياضات غير تقليدية رياضة شاملة رياضة لذوي الإعاقة رياضة للأطفال سكيت في الإسكندرية سكيت للأطفال سهيلة صلاح
Cairo 360
الصور: صفحة سكيت X على فيسبوك.
في وقت قليل، قدرت أكاديمية سكيت X تثبت إن الرياضة مش بس نشاط بدني، لكن كمان أداة قوية للدمج المجتمعي، خصوصًا لأبطالنا من أصحاب الهمم.
أكاديمية “سكيت X” اللي بدأت في محافظة الإسكندرية، هي أول أكاديمية في مصر بتقدم تدريب على رياضة التزلج (الاسكيت) للأطفال والكبار، وخصوصًا من أصحاب الهمم. التدريب مش بيكون تقليدي، لكن بيعتمد على اللعب، المرح، والتشجيع المستمر.
ورا الفكرة دي مين؟
اللي وراء سكيت X هي سهيلة صلاح، أول باحثة مصرية وعربية تحصل على ماچستير في رياضة الرول بول، وأول حكم دولي مصري وعربي يشارك في تحكيم كأس العالم للرول بول 2023.
سهيلة بدأت فكرة الأكاديمية بعد سنين من الدراسة في التربية الرياضية، وكورسات متخصصة في التدريب مع أصحاب الهمم. حلمها كان دمج الأطفال الأسوياء مع أصحاب الهمم في فريق واحد، وده اللي حققته.
التدريب للجميع!
من أول 4 سنين تقدر تبدأ تتعلم. والأكاديمية بتدرب الأطفال، الكبار، وأولياء الأمور كمان! وكل المدربين متخصصين وخريجي تربية رياضية. والتدريب عندهم بيعتمد على اللعب كوسيلة للتعلم، علشان يوصل بأبسط شكل.
ليه الإسكيت؟
الإسكيت رياضة بتساعد على توازن الجسم وتقوية العضلات، وبترفع الثقة بالنفس وبتساعد على التواصل الاجتماعي، وبتفتح باب جديد لأبطالنا من ذوي الهمم يثبتوا نفسهم ويحققوا إنجازات.
والأجمل لسه جاي
رغم إن سكيت X بدأت في إسكندرية، لكن الحلم لسة مكمل! “سهيلة” بتحلم إن الأكاديمية يبقى ليها فروع في كل مصر، وتوصل لكل طفل عنده شغف إنه يتعلم، ويتحدى نفسه، ويعيش لحظات من النجاح.
عاوز تعرف أكتر عن سكيت X أو تحجز لأولادك؟
مقترح
صحة ولياقة
اسكيت X.. أول أكاديمية في مصر بتعلم التزلج لأبطالنا من أصحاب الهمم!
أصحاب الهمم أكاديمية سكيت X +12
معالم وسياحة
