بمشاركة 3000 لاعب.. انطلاق بطولة مصر للـ “كيك بوكسينج” في القاهرة
استاد القاهرة بطولة مصر المفتوحة للكيك بوكسينج رياضة الكيك بوكسينج
Omar Abd-elmaqsoud
القاهرة مش بس عاصمة الفن والثقافة والخروجات الممتعة في القاهرة، هي كمان عاصمة الرياضة والأحداث الرياضية المهمة، والنهارده الثلاثاء 3 مارس 2020، هتنطلق في العاصمة بطولة مصر المفتوحة للـ “كيك بوكسينج”، واللي هتكون في استاد القاهرة، خلال الفترة من 3 إلى 4 مارس الجاري، لكل المراحل السنية.
البطولة المهمة دي هيشارك فيها 3 ألاف لاعب بيمثلوا كل محافظات الجمهورية.
والبطولة دي بتهدف لنشر لعبة الـ “كيك بوكسينج” بين المصريين في كل المحافظات.
البطولة بتهدف كمان لاختيار 11 لاعب ولاعبة هيمثلوا نواة المنتخب الأول للفراعنة في اللعبة، واللي بمجرد الإعلان عنهم هيخضعوا لمرحلة إعداد مكثفة للمشاركة في البطولات العربية والدولية والقارية في الـ “كيك بوكسينج”.
وبحسب تصريح لـ “محمد صبيح”، رئيس الاتحاد المصري للكيك بوكسينج، فالبطولة اللي بتقام في ملاعب استاد القاهرة الدولي بالصالة المغطاة رقم 4 بتشهد منافسة كبيرة من جميع اللاعبين المشاركين، خاصة وأنها البطولة الرسمية الأولى للاتحاد بعد تأسيسه برقم إشهار 81 لسنة 2020 بقرار من الدكتور أشرف صبحي وزير الشباب والرياضة والمهندس هشام حطب رئيس اللجنة الأوليمبية المصرية.
جدير بالذكر إنه مافيش تاريخ محدد مجمع عليه لرياضة الـ “كيك بوكسينج”، لكنها كانت بتمارس بأشكال مختلفه في الهند وبلاد جنوب شرق آسيا، وبعدها انتشرت في أمريكا وأروبا واليابان في القرن العشرين بأساليب مختلفة، وبصفة عامة اتأثرت اللعبة بقوانين الملاكمة.
فريق كايرو 360 بيتمنى التوفيق لكل الأبطال المشاركين في البطولة.
مقترح
معالم وسياحة
المتحف القبطي بالقاهرة.. هنا أكبر مجموعة آثار قبطية في العالم
المتحف القبطي المتحف القبطي المصري +3
الحياة في كايرو
