دليل حفلات عمر خيرت لشهر يناير وفبراير 2017
Mohammed Sabry
وم مين فينا ما بيحبش موسيقى عمر خيرت؟ أكيد ما فيش. الموسيقار العظيم اللي متعنا بأعماله الموسيقية المختلفة على مر السنين. اللي كان منها: قضية عم أحمد – احتفالية مرور 100 سنة على السينما المصرية – أوبريت روح اكتوبر. وغيرها كتير من المقطوعات اللي بندوب في جمالها وعذوبتها لما بنسمعها. لحد ما بقت أعماله جزء لا يتجزأ من روحنا وكياننا.
علشان كده كايرو 360 هتقول لكم على مواعيد حفلات الموسيقار عمر خيرت خلال شهر يناير وفبراير:
13 يناير في كايرو فستيفال سيتي.
يوم الجمعة 13 يناير هيقدم الموسيقار عمر خيرت حفلة موسيقية على مسرح The Marquee في كايرو فستيفال سيتي مول. الحفلة ميعادها 7 مساءً. وسعر التذكرة: 400 – 550 – 650 – 750 جنيه.
للتفاصيل: 19941
17 و18 يناير في دار الأوبرا المصرية.
تاني حفلات شهر يناير هتكون على المسرح الكبير في دار الأوبرا المصرية. وهيكون في حفلتين في يومين ورا بعض. يومي الثلاثاء والأربعاء 17 و18 يناير. ميعاد كل حفلة 8 مساءً. وسعر التذكرة: 200 – 300 – 500 جنيه. والدخول هيكون بالملابس الرسمية.
8 و9 فبراير في دار الأوبرا المصرية.
حفلتين كمان هيبدأ بيهم شهر فبراير 2017 للفنان عمر خيرت. الحفلتين برضه على المسرح الكبير في دار الأوبرا المصرية. هيكونوا يومي الأربعاء والخميس 8 و9 فبراير. وهيبدأوا الساعة 8 مساءً. أما أسعار التذاكر لسه ماتحددتش.
للتفاصيل: 0227390132 – 0227390188
يلا استعدوا للروقان والسلطنة اللي بجد.
مقترح
معالم وسياحة
المتحف القبطي بالقاهرة.. هنا أكبر مجموعة آثار قبطية في العالم
المتحف القبطي المتحف القبطي المصري +3
الحياة في كايرو
