Cairo 360
لو عاوزين نطلق تشبيه مناسب على حفلات توزيع جوائز الأوسكار، نقدر نقول إنها زي جائزة نوبل، لكن في مجال الأفلام! بالتالي تقريبًا كل محبي الأفلام حوالين العالم كانوا في انتظار حفل توزيع الجوائز الأشهر، في دورته الـ95 واللي شهدت – زي باقي الحفلات- كتير من التصرفات المجنونة وغير المتوقعة.
من السنة الماضية، لسه تأثير صفعة ويل سميث الشهيرة مستمر، وده اللي خلى جيمي كيميل مُقدم الحفل السنة دي، يشير للحادثة ببعض الكوميديا، ويقول إن إدارة الحفلة عندهم قواعد صارمة بخصوص أي عمل عدائي على المسرح، لو ممثل ضرب زميله، هياخد أوسكار أفضل ممثل وهيلقي بيان لمدة 19 دقيقة! وده في إشارة واضحة للجدل الكبير اللي ثار عن استحقاق ويل سميث لجايزة الأوسكار بعد ما صفع كريس روك على المسرح.
من الحاجات المثيرة للجدل في الحفلة، الإنترفيو بين هيو جرانت و أشلي جراهام مقدمة البرامج في شبكة ABC بسبب إجابات جرانت اللي كانت مقتضبة جدًا، لدرجة أن الناس على السوشيال ميديا قالوا إن طريقته كانت عدائية بشكل غير مفهوم، على الرغم من أسئلة جراهام اللي كانت اعتيادية ومافيهاش هجوم أو إحراج.
بمناسبة الأسئلة المحرجة، جيمي كيميل مقدم الحفل طرح سؤال محرج على الفائزة بنوبل للسلام مالالا يوسف عن حادثة مثيرة للجدل حصلت بين كريس باين وهاري ستايلز في مهرجان فينيسيا السينمائي. مالالا ظهر على وجهها الإحراج وعدم الفهم، قبل ما تتدارك الموقف وتقول له أنها جايه تتكلم عن السلام بس!
من الحاجات المثيرة للدهشة برضو ظهور الفنان العالمي مورجان فريمان وهو لابس قفاز على أيده الشمال فقط أثناء الحفل، الأمر اللي فسرته الـ نيوويرك بوست أنه مداراة لحالة الشلل اللي عانى منها فريمان بسبب تضرر أعصاب ايده بعد حادث سير، وإن القفاز بيساعد على الحفاظ على تدفق الدم في شرايين يده.
أما عن النتائج فكانت:
أفضل فيلم كارتون:
Pinocchio
أفضل ممثل مساعد:
كي هوي كوان عن Everything Everywhere All at Once
أفضل ممثلة مساعدة:
جيمي لي كيرتس عن Everything Everywhere All at Once
أفضل فيلم تسجيلي:
Navalny
أفضل فيلم قصير:
An Irish Goodbye
أفضل تصوير:
All Quiet on the Western Front
أفضل ماكياج:
The Whale
أفضل أزياء:
Black Panther: Wakanda Forever
أفضل فيلم أجنبي/دولي:
الفيلم الألماني All Quiet on the Western Front
أفضل فيلم تسجيلي قصير:
The Elephant Whisperers
أفضل فيلم كارتوني قصير:
The Boy, the Mole, the Fox and the Horse
أفضل تصميم إنتاج:
All Quiet on the Western Front
أفضل موسيقى تصويرية:
All Quiet on the Western Front
أفضل مؤثرات بصرية:
Avatar: The Way of Water
أفضل سيناريو أصلي:
Everything Everywhere All at Once
أفضل سيناريو مقتبس:
“Women Talking”
أفضل صوت:
Top Gun: Maverick
أفضل أغنية
Naatu من فيلم RRR
أفضل مونتاج:
Everything Everywhere All at Once
أفضل إخراج:
الثنائي “دانيلز” عن Everything Everywhere All at Once
أفضل ممثل:
برندان فريزر عن فيلم The Whale
أفضل ممثلة:
ميشيل يوه عن فيلم Everything Everywhere All at Once
أفضل فيلم:
Everything Everywhere All at Once
مقترح
معالم وسياحة
مغامرة في قلب صحراء القاهرة.. محمية "قبة الحسنة" هترجعك 100 مليون سنة لورا!
أماكن تستحق الزيارة الخروجات غير التقليدية +8
الحياة في كايرو
