The Definitive Guide to Living in the Capital , Cairo , Egypt

الصورة: Roel Dierckens

لو بتدور على فرصة تتأمل فيها علاقتك بالعالم اللي حواليك، وتسمع حكايات جديدة تفتحلك أفق مختلف… يبقى ما ينفعش تفوت اللقاءات الثقافية المميزة اللي بيقدمها معرض “بساط” للكتاب – النسخة الثالثة، تحت عنوان “أمكنة”.

من يوم الجمعة 25 يوليو ولحد الأربعاء 30 يوليو، هتعيش مع 5 لقاءات متنوعة، كل واحد منهم بيفتح باب مختلف للتفكير والحكي… من خلال الكتب، والأفلام، والصور، والتبادل الثقافي، والهوية.

اللقاءات كلها هتبدأ الساعة 6 مساءً، ودي تفاصيل كل يوم:

الجمعة 25 يوليو

مناقشة كتاب “نشتري كل شيء” مع د. شهاب إسماعيل وتناقشها د. داليا وهدان.

هنغوص في عالم الاستهلاك، والأنماط الاجتماعية، والحكايات اللي بنعيشها يوميًا من غير ما ناخد بالنا، بس بتأثر فينا أكتر مما نتخيل.

الأحد 27 يوليو

ندوة “من القاهرة إلى الصين” مع أ. عمرو مغيث.

عن تجربة بيت الحكمة في التبادل الثقافي بين مصر والصين، واللي بترصد إزاي الثقافة ممكن تكون جسر حقيقي بين الشعوب.

الاثنين 28 يوليو

عرض أفلام قصيرة.. “هرم واحد كفاية” و”الروضة والمنيل في عيون سكانها”، بحضور صناع الأفلام: أ. أحمد العرابي، أ. شيماء بكري، أ. آلاء حمدي، وم. عاليا نصار.

مشاهدة الأماكن من خلال الكاميرا بتخلينا نعيد اكتشافها، ونعيد اكتشاف نفسنا فيها.

الثلاثاء 29 يوليو

ندوة “المكان في التراث العربي والإسلامي” مع د. خالد عزب

هنستكشف سوا معنى “المكان” في الذاكرة والهوية، وإزاي العمارة والتراث بيشكّلوا وعينا الجمعي.

الأربعاء 30 يوليو

لقاء “ألبوم صور” مع د. ميشيل حنا.

عن التوثيق الفوتوغرافي، والحنين للمكان، والصور اللي مش بس بتحفظ لحظة، لكن كمان بتحفظ إحساس.

وأخيرًا..

كل لقاء في المعرض ده هو مساحة للتفكير بصوت عالي، وسؤال مفتوح عن إحنا فين؟ وبنرتبط بالأماكن إزاي؟ تعالوا نسمع، نحكي، ونتأمل سوا.

جميع اللقاءات ضمن فعاليات معرض “بساط” للكتاب – النسخة الثالثة: “أمكنة”.

الحضور مجاني، بس التسجيل مسبق ضروري عشان تضمن مكانك.. سجل من هنا.