The Definitive Guide to Living in the Capital , Cairo , Egypt

الثقافة المصرية متنوعة وغنية على مر التاريخ، ودايمًا المبادرات الثقافية المصرية بتكون من أفضل ما يكون. وعلى مر الأجيال، شهدنا مهرجان القراءة للجميع، ومعرض الكتاب، ومكتبات وزارة الثقافة وغيرها، اللي بترسّخ جوانا الثقافة وحب القراءة.

ومن أهم مقومات القراءة والبحث، المكتبات المنتشرة في شتى أنحاء مصر، والنهاردة هناخدكم في جولة في واحدة من أكبر المكتبات المصرية وهي مكتبة القاهرة الكبرى بالزمالك. وخلال السطور الجاية هنقولكم على كل اللي محتاجين تعرفوه عنها.

مكتبة القاهرة الكبرى موجودة في 15 شارع أحمد مظهر بحي الزمالك. وقبل ما ندخل في تفاصيل الجولة، خلينا نعرفكم إن المكتبة موجودة في قصر الأميرة سميحة كامل، بنت السلطان حسين كامل حاكم مصر من سنة 1914 وحتى 1917. الأميرة اشترت القصر سنة 1942 وعاشت فيه لحد وفاتها سنة 1984، وبعدها اتحوّل القصر لمكتبة سنة 1995.

والبداية في جولتنا كانت في الاستقبال، ومن بعدها دخلنا على غرفة الكمبيوتر اللي في وش بوابة الأمن، ولقينا لوحتين ثابتتين فيهم كتابات ورسومات مختلفة ومميزة، باين إنها مشاريع لطلبة بيستعينوا بالمكتبة.

وأول جولتنا مع الكتب كانت في المكتبة الرئيسية في البدروم، والفيو بتاع المكتبة والترتيب والهدوء مميز، وهتحسوا فيه بفخامة، وهتتنقلوا لعالم تاني كله ثقافة.

فيها كتب متنوعة في مجالات كتير جدًا مفيدة زي:

• علوم اجتماعية

• إحصاء

• تصوف

• ديانات مسيحية وإسلامية

• علوم سياسية

• فلسفة بأنواعها

• علم نفس

• قضايا إصلاح

• تاريخ إسلامي

• تاريخ الصحافة

• تاريخ المتاحف

• علم نفس الطفل

• علم نفس تطبيقي

• أنواع المكتبات

• مجلدات لأعمال نجيب محفوظ

• سياسات وعلاقات دولية

• قانون ودستور

• اقتصاد

• أحوال مدنية

• رعاية اجتماعية

• إدارة عامة

• تسويق

• تجارة

• اتصالات

• نقل

• تعليم

• معاجم

• إدارة أفراد

• نحو وصرف

• أدب عربي وإنجليزي

• محاسبة

• شعر

وغيرهم من الأقسام اللي بتجمع كل اللي محتاجينه لأي مجال في القراءة والاطلاع والدراسة.

بعد كده خرجنا من المكتبة الرئيسية واتجهنا لـالمكتبات المتخصصة في الدور الأول، ودي كانت عبارة عن قاعات.

البداية كانت مع قاعة الدوريات، اللي فيها مجموعة من الصحف المصرية المختلفة، مع كتب عربي وإنجليزي لدوريات عربية، وقسم للمقتبس، وقسم المورد.

بعدها كانت قاعة الفنون الجميلة، وهتلاقوا فيها كتب عن:

• المسرح

• الموسيقى

• السينما

• العمارة

• التربية البدنية

• الفنون الزخرفية

• تاريخ الفن

• الفن التشكيلي

• الفنون الإسلامية

ومن ضمن جولتنا كانت قاعة مركز أبحاث مصر والقاهرة، والأهم بالنسبة لنا لأنها مخصصة لكل باحث ومطلع ودارس. وبتضم أقسام زي:

• الصحافة المصرية

• الديانة المصرية

• المرأة في مصر القديمة

• تاريخ الأحزاب

• تاريخ الوزارات

• العادات والتقاليد

• الأمثال الشعبية

• المراجع

• مصر المملوكية

• مصر العثمانية

• عصر محمد علي

• عصر إسماعيل باشا

• عصر الملك فؤاد

• عصر جمال عبد الناصر والسادات ومبارك

• تاريخ محافظات مصر

أما الدور الثالث والأخير، ففيه قاعة العلوم، والكتب هناك شاملة تفاصيل التفاصيل في كل فرع، ومنها:

• العلوم التطبيقية

• التكنولوجيا

• الطب

• العلاج

• الطب النفسي

• الهندسة

• الأشعة

• الزراعة

• الكيمياء التكنولوجية

• تاريخ المخترعات

• الاختراعات والاكتشافات

• الموسوعات والمعاجم

• التغذية

• الصحة العامة

• البيئة

• الصيدلة

• العلاج بالأعشاب

• الطب النبوي

• الجراحة

• الأمراض

والكتب العلمية دي فيه منها بالعربي والإنجليزي لبعض الأقسام.

سعر تذكرة الدخول للمكتبة 20 جنيه، بتتقطع من الموظفين عند بوابة الأمن، وبيحتاجوا إثبات شخصية للدخول.

مواعيد الزيارة من 9 صباحًا حتى 2 مساءً.

وكمان فيه تراث مميز بيطل على حديقة فيها مجموعة من الأشجار والنباتات، وكمان نهر النيل.

تقدروا تعرفوا أكتر عنهم من خلال صفحة الفيسبوك من هنا.