هنيدي راجع من تاني.. 5 عروض مسرحية ما تفوتهمش في العيد
بحر الهوا سيلفي مع الموت صراع في الفيلا عربي منظرة عرض عيد الأضحى محمد هنيدي مسرح مسرح مصر مسرحية
Cairo 360
خروجات العيد دايمًا بتحب التجديد. ولو عايز تفكس لخروجة السينما والأكل المعتادة، إحنا جبنا لكم أهم 5 عروض مسرحية، هتكون شغالة في العيد. اختار اللي تحبه:
مسرح مصر
النجم أشرف عبد الباقي راجع للجمهور تاني، بعروض جديدة من مسرح مصر. اللي هتكون على مسرح جراند نايل تاور، في جاردن سيتي. وجدير بالذكر أن الفريق بدأ البروفات من يوم السبت اللي فات.
صراع في الفيلا
الفنان محمد هنيدي هيرجع تاني للمسرح بعد غياب 16 سنة. راجع بمسرحية “صراع في الفيلا”، وهيشاركه البطولة أحمد فتحي، بيومي فؤاد، ومحمد ثروت. ولسه صناع العمل ما أعلنوش عن البطلة اللي هتشارك هنيدي العمل.
بحر الهوا
مسرحية “بحر الهوا” هتقدمها الفنانة علا رامي على مسرح “جمصة الصيفي”. العرض من إنتاج قطاع الفنون الشعبية والاستعراضية، بقيادة المرخج عادل عبده.
عربي منظرة
خلال عيد الأضحى بيستمر عرض مسرحية “عربي منظرة”، بطولة الفنان سامح حسين. المسرحية بتتعرض على مسرح عبد المنعم جابر في الإسكندرية. وأسعار التذاكر من 75 إلى 300 جنيه.
سيلفي مع الموت
العرض شغال على مسرح ميامي في وسط البلد، ومستمر لحد آخر أغسطس. المسرحية إنتاج فرقة المسرح الكوميدي. من تأليف وبطولة نشوى مصطفى.
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
