أجمد مطاعم على النيل تفطروا فيهم في عيد الحب
أكل النيل خروجة عيد الحب فسحة فطار فيو النيل كافيهات على نيل القاهرة مطاعم على النيل في القاهرة
Mohamed Talaat
عيد الحب يوم بيتميز بالعطاء والخير والمحبة للجميع، ومن الحاجات المميزة اللي تقدروا تعملوها صباح يوم عيد الحب هي إنكم تفطروا مع الحبيب في مكان مميز.. في الموضوع ده هنرشح لكم 5 أماكن على النيل في القاهرة تقدروا تفطروا فيهم وتستمتعوا بفيو لطيف. لكن لازم تحجزوا قبلها.
Atlantis
من أفضل الأماكن في المنيل اللي بتطل على النيل، وهو لاونج فيه أكل وشرب وبيعملوا حفلات في كل المناسبات، والمكان بيتميز أن فيه آوت وإن دور علشان يرضوا كل الناس، وكمان عندهم يخت مخصوص لإقامة الحفلات الخاصة، والمطعم بيقدم كل أنواع المشروبات والمأكولات، ومستواه جيد، وأسعار الإفطار فيه بتبدأ من 40 جنيه.
العنوان: 74 شارع عبد العزيز آل سعود – المنيل.
رقم التليفون: 01200000761
وتقدروا تعرفوا أكتر عنهم من خلال صفحة الفيسبوك من هنا.
Bellaila
مش مجرد مكان رومانسي لعيد الحب، ولكنه مكان مميز للتأمل بفيو عظيم وديكورات مبهجة وتفاصيل كتير هتهمكم في يوم زي عيد الحب، وبننصح أنكم تروحوا تبدأوا يومكم هناك، علشان تستمتعوا بالنيل من الصبح بدري، وتقدروا تفطروا عندهم بداية من 85 جنيه للوجبة ولكن فيه حد أدنى للفرد 150 جنيه، تقدروا تطلبوا طبعًا اللي نفسكم فيه، والفطار عندهم من 10 صباحًا حتى 2 ظهرًا.
العنوان: شارع النيل – الدقي – بجوار كوبري الجلاء.
رقم التليفون: 01066114444
وتقدروا تعرفوا أكتر عنهم من خلال صفحة الفيسبوك من هنا.
Zi loung
المكان ده مميز في خدمته وهما محترفين في أنهم يكسبوك كعميل، وعندهم أكل مميز ومصنوع بحب، وكمان بيقدموا وجبات إفطار مجمعة سعرها 75 جنيه، ده غير انكم ممكن تطلبوا من المنيو كل اللي محتاجينه من الاختيارات المطروحة في الإفطار.
العنوان: نايل بوينت – بجوار كوبري النيل البدراوي – كورنيش المعادي.
رقم التليفون: 01279755529
وتقدروا تعرفوا أكتر عنهم من خلال صفحة الفيسبوك من هنا.
Studio Masr
الإفطار على نيل الزمالك مميز في تفاصيله وشكله وروحه، ومن أجمل الأماكن اللي ممكن تفطروا فيها وأنتم في الزمالك يوم عيد الحب كبابجي مصر، اللي بيقدم وجبة إفطار كبيرة تكفي فرد وزيادة مع شاي بسعر 75 جنيه شاملة الخدمة والضريبة.
العنوان: مركب نايل سيتي – 1 شارع النهر – أمام برج القاهرة – الزمالك.
رقم التليفون: 19002
وتقدروا تعرفوا أكتر عنهم من خلال صفحة الفيسبوك من هنا.
Latino
العجوزة من الأماكن اللي النيل فيها تحفة، وكافيه لاتينو من أفضل الأماكن اللي ممكن تقعدوا فيها وتفطروا إفطار مميز بسعر يبدأ من 52 جنيه، ومن مميزات لاتينو كافيه أنه سهل تلاقوا ركنة قدامه.
العنوان: 106 شارع النيل – العجوزة.
رقم التليفون: 01000051919
وتقدروا تعرفوا أكتر عنهم من خلال صفحة الفيسبوك من هنا.
مقترح
الحياة في كايرو
"تملي معاك" في المقدمة.. نظرة على قائمة "رولينج ستون" لأشهر أغاني البوب العربية
أغاني البوب المصرية أغاني القرن +6
الحياة في كايرو
