The Definitive Guide to Living in the Capital , Cairo , Egypt

دايمًا عندنا قاعدة بتقول “متحكمش على مطعم في رمضان”، بسبب ضغط الإفطار اللي ممكن يأثر على الجودة، لكننا قررنا نكسر القاعدة وننقل لكم تجربتنا الواقعية من قلب حواوشي الربيع فرع إمبابة، لنعرف هل فيه فجوة في الطعم خلال شهر رمضان 2026؟

نظام الحجز في حواوشي الربيع خلال رمضان

لو ناوي تفطر هناك، لازم تعرف إن الحجز في حواوشي الربيع خلال رمضان بيبقى قبلها بيوم على الأقل، لأن المكان بيلتزم بعدد محدد من الطاولات لضمان الخدمة.

طريقة الحجز: من خلال رقم تليفون الفرع 01114444130.

المتابعة: الملحوظة الإيجابية كانت في ذوق “ياسر” المسئول عن الطاولة، اللي أكد معانا الأوردر والميعاد “الساعة 5 مساءً”.

أسعار المنيو والمقبلات

بمجرد وصولنا، كانت الترابيزة جاهزة بـ “الافتتاحيات” الرمضانية، والبداية كانت بلح ومياه وسلطات (سعر زجاجة المياه الصغيرة 10 جنيه، وسعر فرد السلطة 25 جنيه، والبلح مجاني).

كان جربنا شوربة لسان العصفور، وحسينا بطعم بيتي أصيل، ودي سعرها 40 جنيه.

الأطباق الرئيسية: تجربة “أكيلة” في إمبابة

نزل الأوردر ومعاه بدأت الحكاية، ودي تفاصيل الأطباق اللي جربناها: طاجن فريك باللحمة (270 جنيه)،والكمية ممتازة تشبع جداً، ومعاها 3 قطع لحم بلدي دسمة. وطلبنا كمان ورقة لحمة 1/4 كيلو (270 جنيه) زالطعم كان “في الجون” وممتاز كالعادة.

أما صينية الرقاق (180 جنيه)، اللحمة فيها كتيرة ومخدومة، ورغم إنه مش أفضل مكان بيعمل رقاق في مصر، إلا إنه مقبول جداً. وطاجن مكرونة باللحمة (230 جنيه) كان كعادة الربيع بطعم ممتاز وينفع وجبة مشبعة لوحده.

ونزلنا كمان حواوشي السجق (135 جنيه)، والمفاجأة كانت في حجم الرغيف الكبير وطعمه اللي فعلاً “حكاية”.

الأكل بشكل عام في حواوشي الربيع لسه “في حتة تانية”، لكن الفجوة الوحيدة كانت في درجة حرارة الأكل، الأكل نزل بارد شوية نتيجة تجهيزه قبل الآذان بفترة، ودي نقطة نتمنى المطعم يتفاداها.

ليه ننصح بزيارة فرع إمبابة؟

بعيداً عن الأكل، الأجواء هناك ساحرة؛ زينة وأنوار رمضانية، ومزمار بلدي بيلف بين الترابيزات بيخليك تعيش روح القاهرة الشعبية الحقيقية.

تقدروا تعرفوا أكتر عنهم من خلال صفحة الفيسبوك هنا.