Cairo 360
مصر بتقوم مؤخرًا بمجهود كبير في الكشف عن الآثار، وفي الساعات الأخيرة نجحت مجموعة من خبراء الآثار في القليوبية في اكتشاف بقايا أحد المعابد الأثرية بمنطقة أتريب ببنها.
ولحد اللحظة دي فريق التنقيب المصري لسة بيواصل أعمال الحفر، اللي ممكن يكون فيها مفاجآت كبيرة.
ولحد دلؤتي تم العثور على حوائط وأعمدة للمعبد، وأكبر سور تم الوصول له لحد اللحظة دي عرضه 8 أمتار، والعلماء بيتوقعوا إنه كان مخصص للعبادة.
وبحسب الدكتور محسن حلمي بدوي، مدير عام هيئة الآثار بالقليوبية، فالمعبد اللي تم اكتشافه حاليا هو بقايا معبد من العصر الفرعوني المتأخر للأسرة الـ26.
وأضاف بدوي إن المعبد بيحتوي على بقايا حمامات ومنازل حجرية من العصر الروماني، وأكد كمان أنه بيتم حاليًا تمشيط المنطقة بالكامل للبحث عن بقايا المعبد أو أي أثار تانية.
وقال بدوي إن خبراء الآثار لقوا قطع من أعمدة المعبد متناثرة في المكان، ومالقيوش مبنى أثري كامل لحد اللحظة دي، وجاري اكتشاف بقايا المعبد.
مقترح
صحة ولياقة
اسكيت X.. أول أكاديمية في مصر بتعلم التزلج لأبطالنا من أصحاب الهمم!
أصحاب الهمم أكاديمية سكيت X +12
معالم وسياحة
