المتحف الزراعي بالدقي منتظركم في افتتاحه التجريبي.. والدخول مجانًا!
الأميرة فاطمة إسماعيل التاريخ الزراعي التراث الزراعي التراث المصري الدقي الزراعة المصرية السياحة الثقافية الفراعنة المتحف الزراعي المصري متاحف القاهرة متاحف مصر متحف الزراعة متحف القاهرة
Cairo 360
الصور: صفحة المتحف على فيسبوك
في قلب الدقي، وسط القاهرة، واحد من أعرق وأندر المتاحف في العالم بيرجع للحياة من جديد! المتحف الزراعي المصري، اللي بيحكي قصة الزراعة في مصر من أيام قدماء المصريين لحد النهاردة، هيبدأ التشغيل التجريبي يوم السبت 16 أغسطس 2025، والدخول هيكون مجانًا لمدة أسبوعين علشان كلنا نشوف كنوزه ونعرف تاريخه.
وزير الزراعة علاء فاروق أعلن إن المتحف الزراعي، اللي اتأسس سنة 1930 في سراي الأميرة فاطمة إسماعيل، واللي بيعتبر تاني أقدم متحف زراعي في العالم بعد متحف بودابست، خلص كل أعمال التطوير والتجديد وبيستعد يفتح أبوابه للزوار.
المتحف ده مش بس مبنى أو قاعات عرض، ده سجل حي بيحكي رحلة الزراعة المصرية من أيام الفراعنة مرورًا بالعصر اليوناني والروماني، وصولًا للنهضة الزراعية الحديثة.
خلال الأسبوعين دول، الزوار هيدخلوا مجانًا من 9 الصبح لـ3 العصر، علشان يجربوا التجربة الجديدة ويشاركوا ملاحظاتهم. المتحف فيه 8 متاحف فرعية زي المتحف اليوناني والروماني، ومتحف الصداقة الصينية، والمقتنيات الملكية، وكمان السينما الملكية والمكتبة التراثية.
لو بتحب التاريخ أو مهتم بالزراعة أو حتى حابب تقضي وقت ثقافي مختلف، المتحف الزراعي هيكون وجهتك المثالية.
المتحف الزراعي المصري اتبنى سنة 1930 بمبادرة من الأميرة فاطمة إسماعيل، والهدف كان يوثق ويحافظ على تاريخ الزراعة المصرية. على مر السنين، المتحف بقى مرجع علمي وثقافي، ومنصة تعليمية للباحثين والطلبة، وكمان معلم سياحي مميز.
مقترح
أفلام
اختيارات كايرو360.. 5 أفلام هتخليك تنسى حر أغسطس
أغسطس أفلام +8
معالم وسياحة
