The Definitive Guide to Living in the Capital , Cairo , Egypt

مصر فيها أماكن مدهشة، وواحدة من المزارات السياحية المميزة في بلدنا هتلاقوها في واحة الفرافرة بالصحراء البيضاء، وبالتحديد ناحية الشمال، وهي عين “السرو” الجوفية اللي بتُعد من أكثر الأماكن سحر وجمال في واحة الفرافرة بالوادي الجديد، وهي بتعتبر عين للمياه الجوفية العذبة، وبتُعد من أكثر المعالم السياحية الغريبة اللي بتتمتع بشهرة عالمية.

بيرجع تميز العين دي لكونها عين مياه طبيعية غريبة جدًا، والسبب أنها بتكون جافة لكن لما بيقرب منها أي إنسان أو حيوان بيظهر فيها الماء بالتدريج لحد ما بتمتلئ لآخرها، ووقتها تقدر ترتوي وتحصل على الماء اللي يكفيك، وبمجرد ما تبعد عنها بيقل الماء بالتدريج لحد ما بتجف بشكل كامل، هي دي الحاجة المميزة اللي بتتمتع بيها عين “السرو”.

وبيفسر العلماء الظاهرة الفريدة من نوعها دي بإن قشرة الأرض في المنطقة دي بتتميز بنوع مختلف من التربة المرنة اللي بتشبه الأسفنج فبتكون رخوة، وبالتالي فهي بتخزن المياه في باطن الأرض لكن لما بيقرب أي كائن حي منها، فبيقوم بالتالي بالضغط على الأرض القريبة منها، وده بيؤدي لظهور الماء العذب في العين.

وتقدروا توصلوا للعين الموجودة في الصحراء البيضاء بمصر بسيارة دفع رباعي ومهم يكون معاكم دليل من أهل المنطقة.

العين أصبحت علامة مميزة في المنطقة، وفيه زوار من كل العالم بييجوا مخصوص لزيارتها، كمان هي محطة مهمة في رحلات السفاري بهدف الحصول على المياه من أجل الشرب، وكمان كتير من الحيوانات والطيور بيعتبروا العين مكان رائع لشرب المياه.