إزاي تفطر وتتسحر بشكل صحي وسليم في رمضان
Mohammed Sabry
خلاص رمضان قرب، وكلنا مشغولين بموضوع الأكل والشرب. وإزاي يكون الفطار والسحور صحي، بحيث إننا مانتعبش خلال اليوم أو نحس بالعطش. كايرو 360 تواصلت مع الدكتور مجدي نزيه/ رئيس وحدة التثقيف الغذائي بالمعهد القومي للتغذية، وعرفنا منه المعلومات دي:
أي وجبة غذائية لازم تحتوي على جميع العناصر الغذائية، من بروتينات ودهون ومواد كربوهيدراتية، فيتامينات ومعادن.
توزيع الوجبات على 4 مراحل يومية:
– فطار تمهيدي: بعد مدفع الإفطار على طول.
– فطار رئيسي: بعد مدفع الإفطار بساعة.
– وجبة بينية: بين الفطار الرئيسي والسحور.
– السحور: يسبق مدفع الإفطار بمدة ماتقلش عن ساعتين.
لازم مانكترش من التوابل والمواد الحريفة (الحراقة) والمخللات، خاصة في وجبة السحور.
الفطار التمهيدي لازم يكون فيه: شوربة – عصير.
الفطار الرئيسي لازم يكون فيه القدر المناسب من النشويات والبروتينات. وطبعًا طبق السلطة.
الوجبة البينية دي بتكون عبارة عن الفواكه الطازة. وممكن الحلويات الشرقية، بس بكميات قليلة.
وأهم حاجة، إننا نحافظ على رياضة المشي بعد وجبة الفطار الرئيسي.
كده نقدر نقولكم صومًا مقبولًا وإفطارًا شهيًا.
مقترح
الحياة في كايرو
منتجات القاهرة القديمة.. رحلة لـ5 أسواق تاريخية في العاصمة المصرية
أسواق القاهرة التاريخية أشهر أسواق القاهرة +4
معالم وسياحة
