مش عارف تخرج فين؟ خمس خيم مميزة في القاهرة
Cairo 360
القاهرة مليانة أماكن حلوة هتحس فيها بطعم رمضان، وسبق وكتبنا لكم عن مجموعة خيم رمضانية مميزة، وفي المقال ده بنكمل معاكم الرحلة.. وبنعرض لكم خمس خيم رمضانية من أجمد الخيم في العاصمة.
خيمة فوانيس الرمضانية في كلوب هاوس أب تاون كايرو جاهزة للاحتفال وبتقدم منظر تحفة على منطقة الجولف مع اختيارات متنوعة للفطار والسحور، وطبعًا مع الشيشة وشاشات التليفزيون والعروض الترفيهية في الويك إند. فوانيس كمان مش ناسي عشاق الخصوصية وعمل شوية برجولات للناس اللي عايزة تقضي سهرة رايقة بعيد عن الزحمة. للحجز ومعلومات أكتر اتصلوا على 16129.
ويست تاون هب يرحب بكم في تجربة رمضانية مميزة بديكورات خان الخليلي والبازار والعروض الترفيهية ومنها حفلات لكايروكي ووسط البلد. طبعًا مافيش أي قلق من الأكل، أصل ويست تاون هب فيه مجموعة مطاعم مناسبة لكل الأذواق. للحجز ومعلومات أكتر شوفوا صفحة ويست تاون هب على فيس بوك.
جولة عالنيل السنة دي وصلت فيرمونت نايل سيتي ومعاها أشكال وألوان من الحلويات الشرقية والشيش الرائعة، وكل ده وسط أجواء شرقي مودرن ومنظر النيل الخرافي. لو المطلوب فطار أو سهرة سحور، مافيش أحلى من عالنيل لخروجة لطيفة وسط أجواء راقية. للحجز ومعلومات أكتر اتصلوا على 01211216666.
إيت أند باريل على مركب صن سيت بيقدم خيمة فوازير ومعاها بوفيه مفتوح للفطار والسحور (++250 جنيه/++150 جنيه للسحور في وسط الأسبوع) مع شيش روعة وتخت شرقي. فوازير كمان عندهم عروض تنورة وحفلات لأشهر الفنانين المصريين ومنهم حجازي متقال وبوسي وسعد الصغير. للحجز ومعلومات أكتر اتصلوا على 01016496999.
يوم الخميس هيشهد حفل افتتاح خيمة الحنفية في تاب إيست القاهرة الجديدة. الحنفية بيقدم تشكيلة لذيذة من الأطباق في البوفيه المفتوح للفطار والسحور (300 جنيه للفطار/ 150 جنيه للسحور) وطبعًا مع عروض ترفيهية وأنشطة متنوعة. للحجز ومعلومات أكتر اتصلوا على 01060000869.