The Definitive Guide to Living in the Capital , Cairo , Egypt

للسنة الثالثة على التوالي، مهرجان الزيتون المصري هينطلق في جو من الفرح والمتعة. هتتعرفوا فيه على منتجات شركات مصرية متخصصة في صناعة الزيتون وزيت الزيتون. في السطور الجاية، هنقول لكم كل التفاصيل عن المهرجان، أيامه، مكانه، وكل المعلومات اللي هتخليكم تستمتعوا وتستفيدوا منه.

المهرجان السنة دي هيكون في حديقة الحرية، وتذكرة الدخول بـ10 جنيه. أقرب محطة مترو ليها هي “الأوبرا”، ولو رايحين بمواصلات، أي مواصلة بتعدي على كوبري قصر النيل هتوصلوكوا، ولو جايين بعربية ممكن تركنوا في الشارع اللي قدام الحديقة أو في جراج شارع مجلس الثورة أو جراج الأوبرا جنب النادي الأهلي.

المهرجان هيبدأ يوم الخميس 26 ديسمبر وهيستمر لحد الأحد 29 ديسمبر 2024، وهتقدروا تتذوقوا وتختاروا من جميع أنواع الزيتون المتوفرة، سواء مخلل أو زيت طبيعي. كمان هتستمتعوا بكرنفال واحتفالات وفيه فعاليات ثقافية زي “التذوق الحسي” وندوات هتكتشفوا فيها كل أسرار الزيتون والزيوت وطُرق عصره واستخدامه.

ممكن كمان تشاركوا في مسابقات زي “بستان الزيتون” و”زتوناتا ولا ليمونادا”، وهتكون في جوائز مختلفة للفايزين. وبجانب الزيتون، هتلاقوا منتجات العسل والبلح، بالإضافة إلى 60 شركة ومؤسسة، سواء مصرية أو عربية.

من أبرز الشركات اللي هتشارك وتقدم خصومات خاصة في المهرجان: “عجيبة، الجمعية التعاونية، مفازا، كليوباترا، المودة، معصرة السادات، أبو النصر، نهل العلا، مستر مخلل، الكوثر، وادي الريان، الباسل، هيما فارم، نوح العطار، أبو كارم، قطوف الخير، الأصيل، OFM، YAYA’S FARM”.

المكان: حديقة الحرية – الزمالك.

لمزيد من التفاصيل، تقدروا تتابعوا الصفحة الرسمية على الفيسبوك من هنا.