The Definitive Guide to Living in the Capital , Cairo , Egypt

الصورة الرئيسية: AXP Photography

بعد جدل كبير حوالين تعديل قانون الإيجار القديم، محمد عطية الفيومي، رئيس لجنة الإسكان في مجلس النواب، كشف عن التفاصيل الكاملة للتعديلات الجديدة اللي هتأثر على ملايين الأسر.

في مداخلة تليفونية مع برنامج «كلام الناس» على قناة MBC MASR، قال الفيومي إن الحكومة قدمت مشروع قانون جديد بدل المشروع القديم اللي كانت سحبته قبل كده. التعديلات الجديدة مدّت فترة الإخلاء لـ 7 سنين بدل 5 زي ما كان في المشروع الأولاني. يعني لو ساكن في شقة إيجار قديم، قدامك 7 سنين قبل ما يتم الإخلاء.

أما بالنسبة للإيجار، فالقيمة الإيجارية اتغيرت علشان تبقى أكثر عدالة حسب المنطقة. الإيجار بقى:

250 جنيه للشقق في الأماكن الشعبية.
400 جنيه للأماكن المتوسطة.
1000 جنيه للمناطق المتميزة.

كمان القيمة هتزيد تبعًا للنسبة اللي حددها القانون: 20 مثلًا للإيجار الأصلي في المناطق المتميزة، و10 أمثال للأماكن المتوسطة والشعبية، مش زي زمان لما كانت الزيادة 20 مثلًا للجميع.

مش بس كده، المشروع الجديد ألزم الحكومة تدبّر مساكن بديلة للحالات المستحقة، سواء كان السكن شعبي أو متوسط أو متميز، وده علشان ماحدش يتضرر من التعديلات.

القانون الجديد لسه في مراحل المناقشة، لكن لو اتطبق بالشكل ده، هيكون بداية جديدة لتنظيم العلاقة بين المالك والمستأجر بعد سنين طويلة من الجدل.