The Definitive Guide to Living in the Capital , Cairo , Egypt

أفلام
سبع البرمبة

سبع البرمبة: ركز في المقالب أحسن يا رامز

رامز جلال سبع البرمبة شخصية عيد الفطر فيلم كوميديا مرض
  • بيومي فؤادجميلة عوض...
  • كوميدي
  • محمود كريم
تم التقييم بواسطة
Mohamed Hamdy
قيم
قيم الآن
سبع البرمبة: ركز في المقالب أحسن يا رامز

زي ما رامز بيقدم برنامج في رمضان كل سنة، بقى يقدم فيلم كل عيد. بس للأسف أفلامه بتكون هي هي من غير تجديد. فمش عارفين نلوم رامز على سوء اختياره، ولا على استسهاله.

سبع البرمبة بيحكي عن زوجة بتصاب بمرض نفسي، بيجبر جوزها على انتحال شخصية ممثلين من الأفلام والمسلسلات. زي أحمد السقا وياسر جلال وغيرهم. والمفروض بنشوف مشاهد كوميدية بتتفجر نتيجة انتحال رامز للشخصيات دي.

الفيلم يعتبر كوكتيل من مجموعة مسلسلات وأفلام عربية قديمة وجديدة. لأنه يشبه فيلم (أونكل زيزو حبيبي) في فكرة إظهار البطل بصورة مختلفة، من خلال تقمص شخصيات تانية. ويشبه مسلسل (ريح المدام) بفكرة الاسكتشات أو الشخصيات اللي بينتهي بيها كل فصل من فصول الفيلم. والفكرة بشكل عام مناسبة للمسلسلات أكتر من الأفلام.

 

 

لا جديد من رامز جلال. أداؤه السينمائي زي ما هو. وبنحس أنه بيقدم شخصية رامز جلال مش الشخصية اللي المفروض يلعبها في الفيلم. “جميلة عوض” في دور الزوجة بتقدم أداء (جامد)، بدون أن تعبيرات بوشها. ومش عارفين ليه بتعمل كده رغم موهبتها الكبيرة.

الضحك في الفيلم كان مع شخصيات زي محمد عبد الرحمن، بيومي فؤاد، محمد ثروت. وبشكل عام مستوى الكوميديا كان منخفض وماضحكناش كتير. يمكن الأطفال بس هم اللي هيضحكوا على بعض مشاهد الفيلم.

سبع البرمبة محاولة مكررة من رامز جلال، إنه يقدم كوميديا بنفس العناصر اللي استخدمها قبل كده. لكن مفيش أي تجديد أو مغامرة أو موهبة جديدة بيقدمها الفيلم.

عجبك ؟ جرب

غش الزوجية - مراتي وزوجتي

نصيحة 360

الفيلم حقق حوالي 4 مليون جنيه في ثالث أيام عيد الفطر

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح