The Definitive Guide to Living in the Capital , Cairo , Egypt

سعيد كلاكيت

سعيد كلاكيت: فيلم سىء جدًا

  • راندا البحيريعلا غانم...
  • كوميدي
  • أحمد الشرقاويأحمد الشرقاوي...
تم التقييم بواسطة
Mohamed Hamdy
قيم
قيم الآن
سعيد كلاكيت: فيلم سىء جدًا

بعد مشاهدتنا لفيلم سعيد كلاكيت، محرر الأفلام فى كايرو 360 بـ يفكر يعتزل مهنة الكتابة ويركز أكثر فى التمثيل! الحقيقة فكرنا كلنا نعتزل شغلنا الأصلى ونعمل فيلم متصور فى “Location” أو اثنين على أقصى تقدير ونرتجل الحوار ونجيب أى مخرج يعمل لنا إخراج سريع وفى النهاية هـ نخرج بفيلم أفضل من فيلم “سعيد كلاكيت” بمراحل!

المخرج والمؤلف بيتر ميمي فى الـ (سبوبة) الجديدة المسماه سعيد كلاكيت قرر يحكى لنا قصة سعيد (عمرو عبد الجليل) اللى بـ يحطه القدر فى مواجهة عصابة عاوزة تقتل بطل أحد  الأفلام اللى بـ يشارك فى صناعتها سعيد اللى بـ يشتغل –زى ماهو واضح من الاسم– فى مهنة الكلاكيت.

فكره عامل الكلاكيت بحد ذاتها فكرة ممتازة وخامة لنوعية شخصية جديدة وما تمش التطرق لها قبل كده فى السينما المصرية، وكان ممكن لو فى أيد مؤلف ومخرج قوى أنها تخرج أحسن من كده بمراحل، لكن كل اللى شوفناه هو أداء تمثيلى مترهل ومشاهد فيها كثير من (المراهقة الإخراجية) اللى تليق بمخرج شاب بـ يعمل مشروع التخرج وعاوز يبهر لجنة الحكام علشان يأخذ جيد جدًا!

عمرو عبد الجليل أداؤه مترهل جدًا، طوال الوقت بـ يعطينا إحساس أنه عارف إيه اللى هـ يحصل! يعنى فى المشهد اللى بـ يعرف أن بنته اتخطفت فيه بـ نشوفه بـ يتقبل الموضوع بصدر رحب ومش بـ يأخذ وقت للاندهاش! زى ما يكون عارف بالخبر من قبلها! أما علا غانم فأدائها هو كمان كان واقع جدًا، والفيلم بشكل عام يتصف بالاستعجال فى الكتابة والإخراج وباقى عناصر العمل السينمائى.

الموسيقى التصويرية والديكور حالهم ما كانش أحسن من الإخراج والتمثيل، إلا لو استثنينا ديكور القصر اللى ظهر فى مشاهد معدودة مثلاً، باقى الديكورات كانت ضعيفة ومستهلكة وما حسيناش فيها بأى جديد.

سعيد كلاكيت المفروض أنه فيلم درامى أكشن، لكن صرخات ضحكات الجمهور فى صالة العرض، وإحساسهم أنهم تم الضحك عليهم فى ثمن التذكرة، كان لها رأى مختلف تمامًا لاحظناه بنفسنا بعد نهاية عرض الفيلم.

عجبك ؟ جرب

آسف على الإزعاج.

نصيحة 360

الفنان عمرو عبد الجليل بطل الفيلم شارك مع المخرج العالمى يوسف شاهين بطولة فيلم "إسكندرية كمان وكمان".

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح