The Definitive Guide to Living in the Capital , Cairo , Egypt

أفلام
الديزل

فيلم الديزل: هل محمد رمضان فعلًا “نمبر وان”؟

أفلام العيد الديزل ريفيو الديزل سينما سينمات القاهرة محمد رمضان نقد أفلام ياسمين صبري
  • محمد رمضانهنا شيحة...
  • حركة ومغامرات
  • كريم السبكي
تم التقييم بواسطة
Mohamed Hamdy
قيم
قيم الآن
فيلم الديزل: هل محمد رمضان فعلًا “نمبر وان”؟

لما ممثل بيكرر كتير إنه رقم 1. ده بيخلي دائمًا معدل محاسبة الجمهور له عالي، ومش بيقبلوا أبدًا إنه يكون رقم 2 وبيحاسبوه على أي وقعة فنية تصدر منه. لكن محمد رمضان في فيلم الديزل كان واخد باله كويس جدًا من النقطة دي وهو بيشتغل على فيلم الديزل.

 

 

الديزل بيحكي عن شاب بيشتغل في مجال السينما كدوبلير مشاهد خطرة وسائق لفنانة مشهورة (ياسمين صبري) لكن بيقع في مشكلة كبيرة مع تنظيم عصابي بيستهدفه هو وخطيبته (هنا شيحة) بقيادة مجرم خطير هو فتحي عبد الوهاب.

مش عاوزين نخوض أكتر من كده في تفاصيل القصة علشان ما نحرقش المشاهدة على محبي الفيلم، لكننا لاحظنا في السيناريو والقصة اللي كتبها أمين جمال ومحمود حمدان و محمد محرز، اهتمامهم بإظهار رمضان في صورة الشخص العادي مش السوبر هيرو، كمان شخصيته لها أبعاد تانية أعمق من مجرد مشاهد الأكشن اللي بيقدمها، مع محاولته للابتعاد عن الإيفيهات المعتادة  من محمد رمضان في كل أعماله ومحاولة تركيزه المرة دي في الشخصية اللي بيقوم بيها.

المخرج كريم السبكي قدم قبل كده فيلم قلب الأسد مع محمد رمضان في 2013 وهنا التعاون الثاني بينهم. والحقيقة إن كريم بيحاول يقدم بعض المشاهد والكادرات اللي حسينا إنها مُتكلفة شوية لكن من ناحية تانية هو مخرج متميز بيحاول يكون له بصمة واضحة في كل الأعمال اللي بيقدمها مش مجرد انه يكون كادرات وخلاص.

بالنسبة للأداء التمثيلي محمد رمضان زي ما قولنا كان مركز أكتر على الشخصية، لكن من ناحية تانية سيناريو الفيلم لم يهتم بما فيه الكفاية بباقي الشخصيات ولم يفرد لها مساحة علشان تقدم انفعالات وتمثيل حقيقي. فتحول الفيلم كأن محمد رمضان بينافس محمد رمضان!

الديزل مش أفضل فيلم أكشن شوفناه في مصر، لكنه محاولة من ممثل مجتهد إنه يقدم عمل يرضي بيه جمهوره. والعبرة النهائية مش مين هو (نمبر وان) لكن مين قادر إنه يقدم فن يستمر بعد رحيله ويخلي الناس تفتكره دايمًا.

علشان تبقى عارف:

محمد رمضان بيظهر في الفيلم بشخصيته الحقيقية بالإضافة للشخصية اللي بيلعبها في الفيلم.

عجبك ؟ جرب

بني أدم

نصيحة 360

محمد رمضان سبب جدل كبير في الفترة الأخيرة نتيجة الكليبات الغنائية اللي قدمها واللي انتشرت بشكل كبير على مواقع وصفحات السوشيال ميديا.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح