The Definitive Guide to Living in the Capital , Cairo , Egypt

أفلام
2:22

فيلم 2:22: هل التاريخ بيعيد نفسه؟

  • تيريزا بالمرريمي هاي...
  • خيال علمي
  • بول كاري
  • في1 Cinema
تم التقييم بواسطة
Mohamed Hamdy
قيم
قيم الآن
فيلم 2:22: هل التاريخ بيعيد نفسه؟

من المقولات الشهيرة اللي بنسمعها باستمرار هي أن التاريخ بيعيد نفسه باستمرار. علشان كده اللي عاوز يمنع نفسه من الوقوع في أخطاء المستقبل لازم يدرس الماضي بشكل جيد. لكن هل ممكن يكون التاريخ بيعيد نفسه بشكل حرفي وبتطابق مذهل؟ هو ده السؤال اللي بيطرحه فيلم 2:22.

 

 

القصة

الفيلم بيحكي عن ديلان، الشاب اللي بيعمل في مجال تنظيم حركة الطائرات والملاحة الجوية. وهي شغلانة خطيرة وحساسة. ولما بيكاد يتسبب في حادثة ضخمة بيتم وقفه عن العمل. وبيبدأ يكتشف الحياة من حوله بشكل مختلف علشان يكتشف أن التاريخ الخاص به بيعيد نفسه بشكل غريب، وبيدفعه لكارثة هتحصل في الساعة 2 و 22 دقيقة بالظبط!

فريق العمل

الفيلم من إخراج بول كاري وتأليف ناثان باركر وبطولة تيريزا بالمر وميشيل هيوزمان وسام ريد وماييف درمودي وريمي هاي وسيمون كيسيل.

 

 

 

الأداء التمثيلي

البطولة الرئيسية للفيلم كانت على أكتاف ميشيل هيوزمان واللي قدر يقوم بالمطلوب منه كبطل للفيلم، لكن تمثيله كان متذبذب وماقدرش يمشي بالأداء بشكل متغير مع تغير الأحداث، لكن حسينا في بعض المشاهد أن تمثيله كان بارد زيادة عن اللزوم ومحتاج يكون أفضل.

على الرغم من أن تيريزا بالمر بتظهر في وقت متأخر نسبيًا من عمر الأحداث لكنها قدمت أداء قوي ويحسب لها وقدرت تقنعنا بدورها لحد أخر مشهد من مشاهد الفيلم.

السيناريو والحوار والإخراج

سيناريو الفيلم كان هادي بدرجة كبيرة. والفيلم بشكل عام مش موجه لنوعية المشاهدين اللي عاوزين فيلم أحداثه سريعة ومتجددة، وللأسف دي من الحاجات اللي بناخدها على الفيلم.

أما الحوار في الفيلم فكان فلسفي في بعض أجزاؤه، وبشكل عام الحوار كان قوي ومؤثر جدًا ويعتبر من عناصر قوة الفيلم.

 

 

الديكورات والموسيقى والأزياء

الموسيقى التصويرية كانت ضعيفة وغير مؤثرة وحسينا أنها بلا بصمة قوية في الأحداث، على العكس من الديكورات اللي عبرت عن الحالة النفسية لبطل الفيلم وزوايا الكاميرا وبعض استخدامات الخدع اللي كانت كلها معبرة تمامًا عن الحالة العامة في الفيلم وعجبتنا جدًا.

الخلاصة

فيلم 2:22 قد يبدو فيلم مكرر ومحفوظ لكن الحقيقة غير كده، وقدرنا نستمتع به على الرغم من بعض البطء في الأحداث.

علشان تبقى عارف:

تقييم الفيلم على IMDB 5.7 من 10 وشارك في التقييم حوالي 9000 مستخدم للموقع.

عجبك ؟ جرب

groundhog day

نصيحة 360

أرمي هامر وبينجامين وولكر كانوا مرشحين في البداية لبطولة الفيلم لكن الدور ذهب في النهاية إلى ميشيل هيوزمان.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح