The Definitive Guide to Living in the Capital , Cairo , Egypt

فيلم أسطوري.. هو ده الوصف الوحيد اللي ممكن نوصف بيه الجزء الختامي لسلسلة أفينجرز. الجزء اللي كان بينتظره عدد كبير من المستخدمين حول العالم. أما في المنطقة العربية ومصر، فالإقبال كان تاريخي حرفيا.

أحداث Avengers: Endgame بتكمل بعد نهاية الجزء اللي فات. خلاص ثانوس قضى على نص السكان في العالم، والباقي من الأفينجرز بيخططوا إزاي يرجعوا اللي اختفوا، ويقضوا على ثانوس.

الفيلم أكتر من رائع، والإخراج كان على أعلى مستوى. بنحس في الفيلم بكل المشاعر اللي ممكن نتوقعها، حزن، فرح، خوف، توتر. بالإضافة لجرعة الكوميديا، اللي مابيخلاش منها أي جزء في السلسلة. وطبعًا المؤثرات الخاصة في الفيلم كانت عظيمة، وباين فيها التطور اللي بيزيد كل سنة عن اللي قبلها.

أحداث الجزء الأخير سريعة وغير متوقعة. الأحداث والإخراج والقصة المترابطة، نجحت في إنتاج فيلم على أعلى مستوى من الجودة. لكن يمكن الفيلم طول شوية في فرد الأحداث، وجرعة المشاعر الإنسانية فيه كانت أكتر من المطلوب. وفي بعض الأجزاء حسينا إننا كنا تايهين شوية، من كتر الأحداث المتداخلة. لكن في النهاية الفيلم كان ممتع. خاصة آخر 45 دقيقة اللي كانت فيهم المعركة النهائية.

بس حتى لو كان لنا ملاحظات على الفيلم، ده مايمنعش إطلاقًا إنه فيلم أكتر من رائع، لازم تشوفوه في السينما.