The Definitive Guide to Living in the Capital , Cairo , Egypt

أفلام
Bad Boys for Life

فيلم Bad Boys for Life: أضعف بكتير من الأجزاء السابقة

Bad Boys for Life بلال فلاح ريفيو سينمات القاهرة عادل العربي فيلم جديد مارتن لورانس ويل سميث
  • تشارلز ميلتونمارتن لورانس...
  • إثارةحركة ومغامرات...
  • بلال فلاحعادل العربي
تم التقييم بواسطة
Mohamed Hamdy
قيم
قيم الآن
فيلم Bad Boys for Life: أضعف بكتير من الأجزاء السابقة

لما بتقدم جزء أول من فيلم ما، كل حاجه بتقدمها بتكون مبهرة وجديدة، ولما بتعمل جزء ثاني، بيكون عندك فرصة ثانية تقدم شوية إبهار جديد، لكن مع الجزء الثالث من سلسلة Bad Boys واللي بييجي باسم Bad Boys for Life تقريبًا كل عوامل الإبهار عند صناع الفيلم كانت انتهت خلاص!

فيلم Bad Boys for Life بيحكي عن المحقق “بارنيت” وزميله “لوراي” واللي بيقوم بأدوارهم “مارتن لورانس” و”ويل سميث”، واللي بيرجعوا يشتغلوا مع بعض تاني بعد فترة غياب، وفي أول مهمة ليهم بعد العودة، هيقابلوا قاتل محترف عاوز يقتلهم انتقامًا منهم على أحداث سابقة، وفي طريقهم لحل القضية بيحاولوا يحلوا مشاكلهم الشخصية بالمرة!

فيلم Bad Boys for Life حاول يخلق أحداث فرعية كتير علشان يحلها أثناء سير سيناريو الأحداث، لكن محبي النوعية دي من الأفلام بيكونواعاوزين أقل قدر من التعقيد وأكبر قدر من الأكشن والكوميديا، وهي دي الحاجات اللي غابت عن المخرجين “بلال فلاح” و”عادل العربي” –وهم مخرجين من أصل مغربي بالمناسبة-.

مستوى الأكشن والمؤثرات الخاصة في الفيلم كان جيد، لكن مش بنفس المستوى اللي شوفناه في الجزء الأول والثاني، وحسينا إن السيناريو كان حاطط عبء الأكشن على “ويل سميث” و”الكوميديا” على “مارتن لورانس” لكن الكيمياء بين الإثنين مكانتش كويسة.

الأداء التمثيلي في الفيلم مكانش على المستوى المطلوب، حتى الكوميديا في الفيلم مكانتش بالمستوى اللي كنا متوقعينه، وطول الوقت كنا بنقارن بين الفيلم وبين الأجزاء السابقة اللي أخرجها “مايكل باي” واللي أي جزء منها يضرب Bad Boys for Life بالنار!

عجبك ؟ جرب

الأجزاء السابقة من نفس السلسلة.

نصيحة 360

من الأفضل إنكم تشوفوا فيلم Bad Boys for Life بدون توقعات مسبقة، وبدون مقارنة مع الأجزاء السابقة من نفس السلسلة، وإلا النتيجة مش هتكون لصالحه.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح