The Definitive Guide to Living in the Capital , Cairo , Egypt

أفلام
Escape Room

فيلم Escape Room: اللعبة لما تتحول لحقيقة مرعبة

  • أنابيل ستيفنسونإليزابيث هاور...
  • رعب
  • ويل ويرنيك
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Escape Room: اللعبة لما تتحول لحقيقة مرعبة

تيمة جديدة من تيمات الرعب أصبحت متكررة في عدد كبير من الأفلام، وهي تيمة احتجاز مجموعة من الأشخاص في مكان مرعب، ولازم يقوموا بحل مجموعة من الألغاز أو الوصول لحقيقة معينة علشان يتم الإفراج عنهم أو لعدم تعرضهم للقتل.

 

 

القصة

فيلم Escape Room بيحكي عن مجموعة من الأصدقاء بيقرروا تجربة (غرفة الهروب) وهي مسابقة مرعبة بتعتمد على ضرورة حل مجموعة من الألغاز علشان يقدر المشاركين في المسابقة يهربوا من مكان محتجزين فيه.

لكن المسابقة اللي المفروض أنها بالأساس لعبة بتتحول لمحاولة للاحتفاظ بالحياة لما بيكتشف الأصدقاء أن الموضوع تحول من مجرد لعبة لاحتجاز وقتل حقيقي.

فريق العمل

الفيلم من تأليف وإخراج بيتر دوكس ومن بطولة سكيت الريتش وشون يونج وكريستوفر دونلون وراندي وين ومات مكفاي.

الأداء التمثيلي

لازم نعترف أن الأداء التمثيلي لو كان أفضل الفيلم كان ممكن ينتقل نقلة تانية تمامًا. وللأسف على الرغم من أن كل المطلوب من الأبطال هو تمثيل مجموعة من مشاعر الرعب والفزع، إلا أن الأداء التمثيلي في الفيلم كان ضعيف، وفشل الممثلين في إنهم ينقلوا لنا شعورهم ويجعلونا نشعر إحنا كمان بالاحتجاز معاهم.

السيناريو والحوار والإخراج

سيناريو الفيلم كان واضح ومباشر، ولم يعتمد على مشاهد الفلاش باك أو التذكر، وده من نقط قوة الفيلم، كمان إخراج الفيلم التزم بالتيمة الأساسية وركز في المقام الأول والأخير على زيادة جرعة الرعب من خلال إقناع المشاهدين بالتفكير في إجابة السؤال: كانوا هيعملوا إيه لو كانوا بدل أبطال الفيلم وفي نفس موقفهم؟

الديكورات والموسيقى والأزياء

ديكورات الفيلم تميزت بالصدق والتجديد، وقدرت تنقلنا لجو الأحداث وخصوصًا الشعور بالاختناق والاحتجاز والشعور بالمطاردة. لكن الموسيقى التصويرية كانت محتاجة تكون أفضل وأقوى وأكثر امتزاجًا بالأحداث علشان نقتنع ونشعر بها.

 

 

الخلاصة

فيلم Escape Room كان هيكون أفضل لو كان الأداء التمثيلي والإخراج أفضل من اللي شوفناه في النهاية. لكن محبي أفلام الرعب والتشويق هيجدوه فيلم ممتاز ويستحق المشاهدة.

علشان تبقى عارف:

فكرة الفيلم مشابهة بدرجة كبيرة لسلسلة أفلام Saw، وحسينا وإحنا بنتفرج على الفيلم أن الفكرة مقتبسة من السلسلة الشهيرة.

عجبك ؟ جرب

Jigsaw

نصيحة 360

تقييم الفيلم على موقع IMDB 4.3 من 10 وشارك في التصويت حوالي 700 مستخدم للموقع.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح