The Definitive Guide to Living in the Capital , Cairo , Egypt

 فيه أحيان كتيرة تعامل صناع الأفلام مع أفلامهم بيكون زي تعامل البشر مع الفرص في الحياة، ممكن يكون قدامنا فرص رائعة لكن إهمالنا بيضيعها، وده اللي حصل مع فيلم Fantasy Island اللي تحول من فرصة حلوة جدًا، لفيلم فاشل باقتدار.

فيلم Fantasy Island بيحكي عن جزيرة خيالية بتحقق أحلام الموجودين فيها، لكن الأحداث بتتطور بشكل درامي بحيث بيحاول اللي على الجزيرة دي النجاة بحياتهم بأي ثمن، فهل هيقدروا يخرجوا منها؟

قصة الفيلم كانت في الأصل قصة مسلسل ناجح أتعرض سنة ١٩٧٧ يعني صناع الفيلم عندهم فرصة رائعة إنهم يعملوا فيلم جامد بدون مجهود يُذكر، لكن هل يستغلوا الفرصة دي؟

للأسف Fantasy Island ضيع أي فرصة لصناعة فيلم جيد، والفرصة ضاعت بسبب ميزانية الإنتاج القليلة جدًا، وكانت ظاهرة لنا في كل كادر، على شكل قدر كبير من الاستسهال والاسترخاص.

مش بس كده.. طريقة كتابة الشخصيات وتقديمها على الشاشة كانت باهتة جدًا.. ومستهلكة إلى أقصى حد، ومفيش فيها أي محاولة للتجديد أو تقديم شخصية خارج الإطار التقليدي والمحفوظ اللي كلنا متوقعينه لأي فيلم رعب.

وأخيرًا.. حوارات الفيلم كانت طويلة وضعيفة جدًا وبرضو مفيش فيها أي محاولة للتجديد، وفي رأينا لو اجتمع شوية شباب من عشاق أفلام الرعب ممكن يكتبوا سيناريو وحوار أفضل ألف مرة من Fantasy Island.