The Definitive Guide to Living in the Capital , Cairo , Egypt

من أكتر الحاجات الهمجية والشرسة اللي بيقوم بيها البشر هي مسابقات قتل ومطاردة الثيران. والحقيقة أن أهل الفن لازم يكون لهم رأي في الموضوع ده، وعلى الرغم من أن فيلم Ferdinand من أفلام الأنيميشن اللي ممكن تكون موجهة للأطفال بالمقام الأول لكنه بيحمل رسالة مهمة للكبار على حد سواء.

القصة

الفيلم بيحكي عن ثور اسمه Ferdinand بيقع في مشكلة بتبعده عن وطنه، لكنه بيقرر العودة من جديد لوطنه الأصلي، وده بمساعدة مجموعة مجنونة من الحيوانات، وفي أثناء رحلة الوصول للوطن بيمر بمجموعة من المواقف الكوميدية وغير الكوميدية أحيانًا.

فريق العمل

الفيلم من إخراج كارلوس سالدانها، وتأليف يان ساوثوود وبأداء صوتي لـ بوبي كانافال وجون سينا وديفيد تينانت وجينا رودريجز ودانييلا بوباديا و​كيت ماكينون.

الأداء الصوتي

الأداء الصوتي في الفيلم كان مميز جدًا، وقدرت كل شخصية من شخصيات الفيلم أنها تعكس لنا الشخصية اللي بتقوم بيها بشكل كله واقعية وقوة، وقدر الممثلين ينقلوا لنا حس الفكاهة والمرح في الفيلم على الرغم من اضطرارهم للتمثيل بأصواتهم فقط بدون الظهور بأشخاصهم.

السيناريو والحوار والإخراج

سيناريو الفيلم كان بيتميز بالسرعة الشديدة والانتقال من مشهد للتاني بدون ما نشعر بالملل وفي نفس الوقت السيناريو كان واضح وبعيد عن أي غموض أو عدم فهم، وقدر الإخراج يوازن بين الكوميديا وبين الرسالة الإنسانية اللي بيحملها.

الخلاصة

فيلم Ferdinand نقدر نعتبره أنيميشن كوميدي وإنساني عظيم يستحق المشاهدة.

علشان تبقى عارف:

مخرج الفيلم (كارلوس سالدانها) أخرج أفلام أنيميشن مهمة زي Ice Age: The Meltdown وسلسلة أفلام Rio