The Definitive Guide to Living in the Capital , Cairo , Egypt

سر صغير يعرفه حريفة الأفلام الأجنبية.. الأفلام اللي بتتعرض في الفترة من أكتوبر إلى ديسمبر من كل سنة، بتكون الأقوى. نتيجة تركيز صناع الأفلام على اقتراب حفلة الأوسكار في فبراير. وكل فيلم مقتبس عن قصة حقيقية بنشوفه في الفترة دي، بنعتبره مرشح محتمل للأوسكار إلى أن يثبت العكس. وده بينطبق بمنتهى القوة على فيلم Green Book.

الفيلم بيحكي عن توني ليب “فيجو مورتينسون”، حارس أمريكي من أصول إيطالية، عايش في أمريكا في الستينات – أكتر فترة فيها تفرقة العنصرية بين البيض والسود في أمريكا – بيلاقي نفسه مضطر يشتغل كسائق خاص لعازف البيانو دون شيرلي “مارشالا علي” أسود البشرة.

شيرلي بيحطم كل الأفكار الخاطئة عن السود في عقل توني. بنشوف شيرلي كرجل أنيق وغني وصاحب  فكر. والأهم أنه صاحب دكتوراه في الموسيقى والعزف من الاتحاد السوفيتي. من هنا بتبدأ مجموعة من المفارقات الإنسانية في الحدوث بين البطلين.

مش بس التمثيل كان عامل ف نجاح الفيلم، كمان التوظيف المتميز للحوار في كل الجمل. بدون استعلاء على المشاهد أو خلق جمل صعبة. مانقدرش ننسى موسيقى الفيلم التصويرية، اللي كانت أكثر من رائعة. وتناغمها مع المشاهد بشكل مبهر، علشان تقدم لنا في النهاية عمل سينمائي متميز.