The Definitive Guide to Living in the Capital , Cairo , Egypt

  • توني كوليتدانيال كريج...
  • إثارةغموض وتشويق
  • ريان جونسون
تم التقييم بواسطة
Mohamed Hamdy
قيم
قيم الآن
فيلم Knives Out: مين اللي عملها؟

التيمة بتاعت “مين الجاني” أو “مين اللي عملها” تعتبر واحدة من أقدم التيمات اللي اعتمدت عليها سلسلة كبيرة من الأفلام والروايات، وطبعًا لا يمكن نتكلم عن التيمة دي بدون ما نتكلم عن أشهر كاتبة في المجال ده وهي “أجاثا كريستي” واللي قدرت تقدم مجموعة من الألغاز الشهيرة والمشوقة واللي تحول جزء كبير منها بعد كده لأفلام.

في فيلم Knives Out بنشوف لعب على نفس التيمة، كاتب مشهور وعنده ثروة ضخمة من الأعمال الفنية بيتقتل وبيتم العثور على جثته، في البداية بيظن أهله إنها حادثة انتحار، لحد ما بيتم استدعاء محقق شهير متخصص في القضايا الغامضة قام بدوره “دانيال كريج” واللي بيبدأ يستجوب واحد واحد من أعضاء الأسرة، علشان نكتشف إن كل واحد منهم له مصلحة في جريمة القتل.

زي ما قولنا مافيش جديد على صعيد الحبكة أو القصة، لكن الجديد والحلو في الفيلم هو فريق الممثلين اللي تم اختيارهم بعناية علشان يقدموا لنا في النهاية قصة مترابطة وشخصيات مقنعة، الكلام ده ينطبق على “كريس إيفانز” و “آنا دي أرماس” و “مايكل شانون” وباقي الممثلين، لكن للأسف لا ينطبق على “دانيل كريج” على الرغم من مساحة الدور الكبيرة وترقبنا الكبير للشخصية.

مشكلة “دانيل كريج” هي إنه فشل في إقناعنا بشخصية المحقق، وحسيناه طول الوقت “جيمس بوند” في نفسه كده، بس بشكل عقلي أو بدماغه مش جسدي أو بجسمه المرة دي، وده كان سبب قادر إنه يضايقنا من الفيلم، خصوصًا إننا تقريبًا بنشوفه في معظم مشاهد الفيلم.

لكن من الحاجات اللي عجبتنا في الفيلم أسلوب التصوير والتيمة اللي ظهرت عليها أغلب المشاهد بشكل حسسنا إن المخرج والمؤلف “ريان جونسون” عنده اتجاه إخراجي مميز ومختلف وعاوز يسيب بصمته على كل مشهد.

عجبك ؟ جرب

Murder Mystery

نصيحة 360

فيلم Knives Out فيلم حلو بيجمع مجموعة من النجوم الكبار مع قصة نادرًا ما فشلت في جذب انتباه المشاهدين طول الوقت.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح