The Definitive Guide to Living in the Capital , Cairo , Egypt

أفلام
Mile 22

فيلم Mile22: مطاردات وأكشن بدون توقف

Mile22 أفلام أفلام مطاردات أكشن سينما قاعات عروض مارك والبرج نقد أفلام
  • إيكو إويسلورين كوهين...
  • حركة ومغامرات
  • بيتر بيرج
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Mile22: مطاردات وأكشن بدون توقف

 

فيلم Mile22 بيحكي عن محاولة ضابط مخابرات ذكي ومميز، مع فريق من المحترفين، تأمين ضابط تاني معاه أسرار في منتهى الأهمية والخطورة، لكن المهمة غير العادية بتتحول – خاصة في النصف الثاني من الأحداث- لسلسلة لا تتوقف من المطاردات والأكشن.

 

 

على الرغم من أهتمام المؤلفين جراهام رولاند وليا كاريينتر بتقديم جرعة من الأكشن والمطاردات القوية والممتعة جدًا، إلا أنهم على صعيد أخر نسيوا يقدموا شخصيات لها دوافع إنسانية قوية أو خلفيات محترمة ومقبولة للمشاهد. وده كان من أهم عوامل تصنيفنا للفيلم كفيلم مغامرات أو أكشن بالمقام الأول.

لكن اللي جعلنا نستغرب هو إصرار المخرج بيتر بيرج على تقديم الفيلم كعمل ملحمي كبير، وساعده على تحقيق هدفه الميزانية الكبيرة اللي تم رصدها للفيلم. لكن هل ساعده الأداء التمثيلي لأبطاله على تحقيق هدفه؟

الإجابة المباشرة هي لا.. مارك والبرج على الرغم من كونه ممثل متميز عرفناه في مجموعة واسعة من الأفلام اللي حققت نجاح جماهيري ونقدي عالي جدا زي Pain And Gain على سبيل المثال، إلا أنه في Mile22 كان بيقدم أكشن خالص من غير انفعالات إنسانية تخلينا نستمتع بتمثيله.

واللي ساعد على تفاقم مشكلة الأداء التمثيلي أن معظم الممثلين كانت شخصياتهم في السيناريو شخصيات أحادية يعني كل شخصية لها صفة واحدة غالبة على تصرفاتها من الألف للياء. وده بيضر بشكل كبير بالنتيجة النهائية على الشاشة.

 

لكن من ناحية تانية هنلاقي إن من العوامل الإيجابية في الفيلم تقديمه لسلسلة كبيرة من المطاردات ومشاهد الأكشن المختلفة على مدار الأحداث بالأضافة للتركيز الكبير على تقديم المتعة والتسلية للمشاهدين. يعني كنا بنتفرج على مغامرة حلوة لكن من غير عمق في الشخصيات أو الأحداث.

فيلم Mile22 فيلم هيعجب المشاهدين لو تفرجوا عليه من منطلق أنه فيلم أكشن مسلي مع بعض المطاردات ومشاهد الانفجارات، لكنه مش هيعجب المشاهدين اللي بيتوقعوا مشاهدة تمثيل قوي أو قصة عميقة بأبعاد مختلفة.

عجبك ؟ جرب

Black Hawk Down

نصيحة 360

الفيلم بيعتبر التعاون الرابع بين النجم مارك ويلبرج والمخرج بيتر بيرج.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح