Night Hunter
فيلم Night Hunter: صورة مختلفة عن القاتل المتسلسل
Night Hunter بن كينجسلي ديفيد رايموند هنري كافيل-
ألكسندرا داداريوناثان فيليون...
-
إثارةغموض وتشويق
-
ديفيد رايموند
-
في1 Cinema
Mohamed Hamdy
أكيد قبل ما نتفرج على أي فيلم بنحب نكون فكرة عنه، ومن خلال قراءة القصة ومشاهدة التريلر ومتابعة االتقييمات على المواقع الأجنبية، حسينا إن فيلم Night Hunter هيكون فيلم نمطي وتقليدي عن قاتل متسلسل، لكن يا ترى بعد ما دخلناه فعليًا هل ده اللي لاقيناه؟
أحداث Night Hunter بتدور عن محاولة القبض على قاتل متسلسل متخصص في خطف النساء والاعتداء عليهم وقتلهم، لكن في طريق القبض عليه هنلاقي نفسنا دخلنا في حلقات متصلة من الغموض ومحاولات لحل اللغز وكشف عمليات الاعتداء والقتل.
الفيلم من إخراج وتأليف “ديفيد رايموند” والحقيقة إنه قدر يقدم صورة مش نمطية خالص للقاتل المتسلسل، لكن فشل من ناحية تانية وهي إنه يخلينا نتعاطف مع الشخصيات، خاصةً الشخصيات الثانوية اللي بتظهر وتختفي بدون أي تاريخ سابق لها، أو محاولة السيناريو إنه يعرفنا أكتر بيها، علشان كده حسينا بعدم الترابط بين الشخصيات وبعضها.
لكن اللي أنقذ الفيلم من الفشل كان الأداء التمثيلي من “هنري كافيل” و”بن كينجسلي” واللي قدروا يقدموا أداء تمثيلي جيد جدًا، تناغم مع ديكورات الفيلم وموسيقته التصويرية، وقدروا ينقلونا لمواقع الأحداث ويخلونا نحس بكل مشهد بشكل مختلف وجديد.
هل معنى كلامنا إن Night Hunter هو أحسن فيلم نشوفه عن قاتل متسلسل؟ الإجابة لا طبعًا لإن الفيلم -رغم كل المجهود المبذول فيه- قدم لنا في النهاية أحداث قابلة للأستنتاج، وحبكة متكررة مع كل الأفلام اللي من النوعية دي، لكن بأداء تمثيلي أفضل وديكورات أكثر واقعية.