The Definitive Guide to Living in the Capital , Cairo , Egypt

أفلام
Spies in Disguise

فيلم Spies in Disguise: ويل سميث بقى.. حمامة

Spies in Disguise أفلام أنميشن توم هولاند ريفيو سينمات القاهرة فيلم جديد ويل سميث
  • توم هولاندجينيفر‎ هيل...
  • كارتون
  • تروي كواننِك برونو
تم التقييم بواسطة
Mohamed Hamdy
قيم
قيم الآن
فيلم Spies in Disguise: ويل سميث بقى.. حمامة

 مانقدرش ننكر حبنا لأفلام الجاسوسية بشكل عام، خاصةً اللي بيكون فيها Line أو لمسة كوميدي بتكسر حدة الأحداث، لكن لو أضفنا لكل ده إن الفيلم يكون فيلم أنيميشن وكمان من بطولة فنان مميز زي “ويل سميث” يبقى أكيد هنكون قدام فيلم قوي جدًا وهو  “Spies in Disguise”.

فيلم Spies in Disguise بيحكي عن أخطر جاسوس في العالم، لكن للأسف بيتحول لحمامة – بطريقة مش عاوزين نحرقها لكم- علشان يقدر ينجح في المهمة اللي بيقوم بيها، واللي هيتوقف عليها مصير العالم.

مبدئيًا لازم نقول إن Spies in Disguise قدم مستوى جيد على صعيد الرسومات وتحريك الشخصيات على الشاشة، وعجبتنا فكرة إن شخصيات الفيلم تكون متناسبة مع صوت وشكل الممثلين الأصليين (خصوصًا ويل سميث وتوم هولاند) وده ساعدنا على تصور الأداء الصوتي، وقربنا من الشخصيات أكتر.

وبما إننا بنتكلم عن الأداء الصوتي، وعلى الرغم من إن اختياراته الأخيرة كانت مش أحسن حاجة في السينما، لكن “ويل سميث” قدر يقدم دور جيد ويقنعنا بأداؤه، وطبعًا “توم هولاند” هو كمان عمل دويتو سينمائي جيد جدًا.

لكن من ناحية تانية الفيلم ماكانش قادر يحدد هو بيتوجه لأي جمهور بالظبط، وبعض الإفيهات في الفيلم حسينا إنها لفئة عمرية أكبر شوية، والفئة العمرية دي ماكانش فيه حاجات تانية تخدمها طول مدة الفيلم، وبالتالي حسينا ببعض التضارب في السيناريو وطريقة توجيهه للمشاهدين.

عجبك ؟ جرب

The Boss Baby

نصيحة 360

فيلم Spies in Disguise فيلم أنيميشن حلو ومتعوب عليه، وننصحكم بمشاهدته بدون توقعات عالية مسبقة ممكن تفسد عليكم تجربة المشاهدة.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح