The Definitive Guide to Living in the Capital , Cairo , Egypt

فكرة إعادة إنتاج أو Remake  لفيلم طلع من كذا سنة، تعتبر فكرة عادية، وبتحصل طول الوقت تقريبًا، وممكن نقول إن هوليوود نفسها بتعمل كده لكتير من الأفلام اللي قدمتها في السنوات اللي فاتت.

لكن الغريب إنك تعمل إعادة إنتاج لفيلم تشويق وإثارة، وتستخدم نفس الحبكة ونفس الحل! يعني أي حد شاف الفيلم اللي أنتج سنة 2012 هيبقى عارف كل حاجه هتحصل في نسخة الفيلم الجديدة.

فيلم The Body بيحكي عن سيدة أعمال ناجحة بتتقتل في ظروف غامضة، وبعدين جثتها بتختفي، ومع البحث عن الجثة بتبدأ سلسلة طويلة من الأحداث الغامضة والمثيرة في الظهور.

كان ممكن نتغاضى عن الحبكة المحروقة لفيلم The Body لو كان تنفيذ الفيلم على الشاشة أفضل، لكن في الحقيقة أسلوب التصوير نفسه كان واضح فيه جدًا “الاسترخاص” وبالتالي الصورة اللي ظاهرة على شاشة السينما تنفع لمسلسل مش لفيلم.

الأداء التمثيلي لأبطال الفيلم كان جيد، لكن يعمل إيه الأداء التمثيلي الجيد لو هيتحط مع ميزانية ضعيفة، وبالتالي تنفيذ نهائي أي كلام، ده غير الحبكة المحفوظة والمكررة اللي اتهرست كتير قبل كده.

الفيلم فعلًا كان محبط!