The Definitive Guide to Living in the Capital , Cairo , Egypt

أفلام
The Commuter

فيلم The Commuter: مغامرة جديدة هتعجب عشاق ليام نيسون

أفلام، ليام نيسون، سينمات القاهرة
  • باتريك ويلسونفيرا فارميجا...
  • حركة ومغامرات
  • جوم كوليت
  • في1 Cinema
تم التقييم بواسطة
Mohamed Hamdy
قيم
قيم الآن
فيلم The Commuter: مغامرة جديدة هتعجب عشاق ليام نيسون

الروتين والحياة اليومية المملة من أكتر الحاجات اللي ممكن تخلي حياة الإنسان تعيسة وشاقة بدون ما يشعر. لكن البعض بيتعود على حياته الروتينية لدرجة تخليه يكره يغيرها، والبعض زي ليام نيسون في فيلمنا، بيتم إجباره لتغيير عاداته اليومية وإلا هيكون متورط في جريمة ضخمة! تعالوا نتعرف أكتر على The Commuter.

القصة

فيلم The Commuter بيحكي عن قصة رجل بيعيش حياة روتينية بتخليه يركب يوميًا قطار متوجه من مكان لأخر. وفي أحد الأيام بيقابل امرأة مجهولة بتتلاعب بعقله وبتشقلب روتين  حياته، بشكل بيخليه يتجول في القطار علشان يكشف لغز كبير قبل وصول القطار لأخر محطة، وإلا هيتم اتهامه بجريمة خطيرة وبشكل يقلب حياته كلها رأسًا على عقب!

فريق العمل

الفيلم من إخراج جومي كوليت سيرا، وتأليف بايرون ويلينجر وبطولة ليام نيسون وفيرا فارميجا وباتريك ويلسون وجوناثان بانك وسام نيل و إليزابيث وكجوفيرن.

الأداء التمثيلي

ليام نيسون بيثبت لنا في كل دور بيقوم به قدرته على تقديم أشكال مختلفة تمامًا من الأنماط التمثيلية، وعدم اعتماده فقط على إمكانياته الجسدية علشان يقدم الأفلام اللي بيقوم ببطولتها، وده يحسب له في النهاية كنقطة قوة بتخليه زي الجوكر يقوم بأي دور يسند له.

السيناريو والحوار والإخراج

سيناريو الفيلم سريع ومتلاحق خاصة في الربع الثاني من الأحداث وحتى النهاية، وهيحتاج من المشاهدين تركيز كبير خاصة في جمل الحوار المتلاحقة واللي بتفسر كتير من أحداث الفيلم، أما الإخراج فقدر يجمع كل العناصر دي مع بعضها علشان يقدم لنا في النهاية عمل فني مترابط وقوي.

الديكورات والموسيقى والأزياء

الفيلم اعتمد على الديكورات الداخلية في كتير من أحداثه، وقدر يقدم ديكورات القطر بشكل مميز ومختلف، كمان موسيقى الفيلم كانت قوية وحماسية وكانت قادرة تنسجم مع الأحداث بشكل جيد، أيضًا زوايا التصوير واختيارها مع المؤثرات الخاصة ساعدت على إنتاج مشاهد قوية وممتعة في سياق الأحداث.

الخلاصة        

فيلم The Commuter نقدر نقول عليه فيلم قوي وأحداثه سريعة وهيعجب كل محبي أفلام الغموض والإثارة.

علشان تبقى عارف:

تقييم الفيلم على IMDB 6.5 من 10.

عجبك ؟ جرب

فيلم Non stop

نصيحة 360

تعاون النجمان (ليام نيسون) و(باتريك ويلسون) قبل كده في فيلم (The A-Team) عام 2010.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح