The Current War
فيلم The Current War: علشان تنور العالم.. لازم تغلب الضلمة اللي جواك
The Current War بنديكت كومبرباتش توماس إديسون جورج ويستنجهاوس مايكل شانون نيكوﻻس هولت-
بينيديكت كومبرباتشتوم هولاند...
-
دراما
-
ألفونسو جوميز ريجون
-
في1 Cinema
Mohamed Hamdy
سواء كنت بتقرأ الموضوع ده من الموبايل أو الكمبيوتر أو أي جهاز ذكي تاني، فأنت أكيد أستعملت الكهرباء علشان تشحنه أو تشغله، لكن قصة وصول الكهرباء لينا بشكلها الحالي كده، كانت قصة صراع بين العلماء والمكتشفين، وهي دي بالظبط القصة اللي بيقدمها لنا فيلم The Current War.
The Current War فيلم بيحكي عن الصراع الطويل بين توماس إديسون اللي قام بدوره “بنديكت كومبرباتش” وجورج ويستنجهاوس اللي قام بدوره “مايكل شانون” بعد اعتذار الفنان جيك جيلنهال عن المشاركة في بطولة الفيلم، على أكتشاف كيفية عمل الكهرباء، مع أستعراض شخصية مهمة في عالم الكهرباء، هي شخصية العالم نيكولا تسلا واللي قام بدوره “نيكوﻻس هولت”.
سرعة سيناريو الفيلم خلانا ما نزهقش من الأحداث، لكن للأسف تعرضه للقصة كان سريع أزيد من اللازم، لدرجة إن بعض الأحداث المؤثرة في الصراع الحقيقي اللي دار بين الأبطال في الواقع تم تناولها بسرعة.
أما الأداء التمثيلي لكل أبطال الفيلم تقريبًا كان قوي ومميز، لكن حسينا إن البطولة النسائية في الفيلم مش واخده حقها بشكل كبير، يمكن بسبب تركيز السيناريو على الشخصيات الأساسية في الفيلم وعدم قدرته على وضع مساحة كبيرة لدور الشخصيات النسائية في الأحداث.
من أهم عوامل القوة في الفيلم اختيار الديكورات والإضاءة وزوايا التصوير اللي خلت كل مشهد من المشاهد تحفة مميزة، وكان واضح إن المجهود المبذول في العناصر دي مجهود رائع.