The Definitive Guide to Living in the Capital , Cairo , Egypt

تخيل كده لو عندك القدرة تكون غير مرئي، محدش يقدر يشوفك، لكن تقدر تشوف كل الناس؟! هل اللي هتعمله ساعتها هيكون تصرفات وحشة ولا كويسة؟

السؤال النفسي ده طرحه المؤلف الشهير “هـ.ج ويلز” في رواية شهيرة له، وشهرتها وصلت لدرجة إنه تم تناولها في أكتر من فيلم ومسلسل تليفزيوني، وكان آخرها فيلمنا النهارده The Invisible Man.

فيلم The Invisible Man بيحكي عن “سيسيليا كاس” اللي بتقدمها لنا على الشاشة “إليزابيث موس”.. بتهرب سيسيليا من علاقتها السامة بحبيبها السابق، وبتسمع أخبار انتحاره، بعد كده بتكتشف إنه موجود معاها لكن بشكل خفي.. ومن هنا بتتطور الأحداث بطريقة مش عاوزين نحرقها عليكم.

الفيلم بيلعب على نقطة مهمة بتبرز تميزه، وهي الأداء التمثيلي المختلف لـ “إليزابيث موس”.. وعلى الرغم من قوة أدوار باقي الممثلين في الفيلم لكن “موس” كانت صاحبة نصيب الأسد من حيث الأداء التمثيلي، والحقيقة إنها قدرت تقوم بالدور بأفضل ما يكون، وتنقل لنا شعورها بالظبط.

وعلى الرغم من معرفتنا بالقصة من قبل كده، لكن إعادة تقديمها في The Invisible Man كانت ناجحة، ودي تعتبر واحدة من المرات النادرة اللي إعادة تقديم قصة قديمة تكون ناجحة ومؤثرة.

الفيلم بيصنف كفيلم رعب لكن مش بنشوف الرعب بشكله التقليدي المتمثل في الـ Jump scares لكن بنعيش رعب نفسي بمجرد تصورنا لنفسنا مكان البطلة اللي بيحاول كيان خفي يأذيها ومحدش قادر يشوفه.