The Definitive Guide to Living in the Capital , Cairo , Egypt

أفلام
The Neighbor

فيلم The Neighbor: شوية رعب لزوم الهالووين

  • بيل إنجفولجوش ستيوارت
  • رعب
  • ماركوس دنستان
  • في1 Cinema
تم التقييم بواسطة
Mohamed Hamdy
قيم
قيم الآن
فيلم The Neighbor: شوية رعب لزوم الهالووين

مع حلول موسم عيد الهالووين، بتستمر السينمات في تكثيف عرض مجموعة من أفلام الرعب بغض النظر عن تاريخ نزولها السينمات العالمية، وده بيعمل حالة رواج لمجموعة من الأفلام المرعبة اللي بتكون مش على قدر المستوى، وللأسف الشديد  The Neighbor يعتبر من ضمن الأفلام دي.

 

 

القصة

الفيلم بيحكي عن زوج وزوجته بيكتشفوا جار جديد لهم وبيحاولوا يكونوا صداقة جيدة معاه، لكنهم بيكتشفوا إنه بيخبي سر كبير، والسر ده بيدخلهم في مواجهة صعبة وفيها كتير من المشاهد والمواقف المرعبة اللي المفروض توقف الدم في عروق المشاهدين.

فريق العمل

الفيلم من إخراج ماركوس دونستان وتأليف باتريك ميلتون وبطولة جوش ستيوارت وميليسا بولونا وأليكس إيسو وروني جين بليفنز مع جاكلين فليمينج.

الأداء التمثيلي

على الرغم من محاولة الاجتهاد من أبطال الفيلم علشان يقدموا لنا في النهاية عمل رعب جيد، لكن السيناريو والإخراج لم يساعدوهم، واكتفينا بمشاهدة الممثلين وهم بيقدموا لنا مشاهد من الرعب والهلع بدون أي محاولة لخلق رابط بين الأحداث غير رابط واهي جدًا، الأمر اللي أفقدنا التعاطف والتفاعل مع أبطال الفيلم ومع الأحداث نفسها.

السيناريو والحوار والإخراج

سيناريو الفيلم أدخر الجزء الأكبر من الرعب والمشاهد المرعبة لقرب نهاية الأحداث، وده تركنا في البداية مع سلسلة من الأحداث المتوقعة والغير مرعبة واللي حسينا من خلالها أنها مش بتقدم أي حاجة غير دفع الأحداث دفعًا للمواجهة الأخيرة، ولو كان تم استغلال الوقت ده في زيادة ارتباطنا العاطفي بأبطال الفيلم في رأينا الفيلم كان ممكن يكون أقوى، ودي غلطة أساسية للسيناريو والإخراج.

 

 

الديكورات والموسيقى والأزياء

المؤثرات الصوتية والموسيقى في الفيلم كانت قوية، كمان الديكورات قدرت تنقلنا بصريًا لمنطقة أحداث تصوير الفيلم، كمان لا ننسى الخدع الفنية المتقنة.

 

 

الخلاصة

لو كنت من عشاق مشاهدة أي فيلم رعب والسلام في فترة الهالوين.. في الحالة دي بس ننصحك بمشاهدة The Neighbor.

علشان تبقى عارف:

الفيلم بتدور أحداثه في ولاية ميسيسيبي الأمريكية.

عجبك ؟ جرب

The cabin into the woods

نصيحة 360

تقييم الفيلم على موقع IMDB 5.7 من 10

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح