The Definitive Guide to Living in the Capital , Cairo , Egypt

  • آرون بولإيميلي راتايكوسكي...
  • إثارة
  • جورج راتليف
  • في1 Cinema
تم التقييم بواسطة
Mohamed Hamdy
قيم
قيم الآن
فيلم Welcome Home: دراما معقدة

أحيانًا بنتفرج على فيلم وبنبقى مش عارفين هل نصنفه في دايرة أفلام الرعب، الأكشن، الرومانسية،  ولا الغموض. تعالوا نتعرف أكتر على فيلم Welcome Home ونشوف مع بعض ممكن نصنفه في أي تصنيف من الأفلام دي؟

 

 

فيلم Welcome Home بيحكي عن زوجين بينهم مشاكل كتير. وبيقرروا يسافروا للريف الإيطالي علشان يقضوا الويك إند هناك، في محاولة منهم لتصحيح علاقتهم وإرجاعها تاني للطريق الصحيح. لكن في أجازتهم بتبدأ بعض المشاكل غير المتوقعة من مالك المنزل واللي بيتصرف بطريقة مريبة ومثيرة للشكوك.

ممكن نقول على قصة الفيلم واللي كتبها  ديفيد ليفنسون أنها دسمة، يعني ينفع نشوف الفيلم باعتباره فيلم رعب نفسي، أو فيلم عاطفي مع صراع فيه أكشن. أو حتى فيلم بتغلب عليه الحوارات الطويلة والمشاهد اللي بيتم تركها للمشاهد علشان يخرج بانطباعه أو تفسيره الشخصي لها.

وعلشان يتم تقديم فيلم بالمواصفات دي بشكل كويس. كان لازم المخرج  جورج راتليف يختار فريق عمل الفيلم بشكل صحيح.

علشان كده بنشوف في البطولة أرون بول. واحد من أشهر الأسماء في عالم الفن خاصة بعد مشاركته الأكثر من مذهلة في مسلسل Breaking Bad اللي بيعتبر من أشهر وأنجح المسلسلات في التاريخ إن لم يكن أشهرها بالفعل.

 

وعلشان المعادلة تكتمل بنشوف في الكفة التانيه ريكاردو سكامارشيو والمعروف عندنا في المنطقة العربيه بدوره في فيلم John Wick: Chapter 2. وطبعًا لا يمكن ننسى البطولة النسائية ممثلة في إميلي راتاجكوسكي واللي شاركت في فيلم تاني قوي هو Gone Girl سنة 2014.

بنلاحظ في الفيلم أن الأحداث بيتم تقديمها من خلال حوارات طويلة نسبيًا. ومن خلال الحوارات دي بيبدأ السيناريو في التطور ودفعنا لنقطة التصادم. وهنا كان لازم السيناريو يكون ممتع وواضح وغير ممل في نفس الوقت وهي مهمة صعبة لكن قدر صناع الفيلم يقوموا بيها بشكل معقول.

لكن الفيلم بشكل عام كان زحمة، وفي رأينا كان ممكن يكون أفضل لو اختار خط وأحد أو خطين بالكتير يمشي فيهم، لإننا حسينا إن الفيلم بيقدم خلطة غريبة ما بين دراما نفسية معقدة مع خط من الأكشن وبعض الرومانسية والمشاهد العاطفية.

لكن كان فيه نقطة إيجابية في الفيلم وهي اختيار أماكن التصوير وزوايا الكاميرا وطريقة حركتها علشان تجيب لنا بعض المشاهد بنجاح مؤثر.

علشان تبقى عارف: تقييم الفيلم على موقع IMDb هو 5.1 من 10.

عجبك ؟ جرب

فيلم Crazy Rich Asians.

نصيحة 360

تم تصوير الفيلم في إيطاليا، والفيلم نفسه إنتاج أمريكي.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح